Ajit Pawar Plane Crash : मोठी बातमी! अजित पवारांच्या विमान अपघाताची सीआयडी चौकशी होणार, राज्य सरकारने दिले आदेश

Ajit Pawar plane crash CID inquiry updates: उपमुख्यमंत्री अजित पवार यांचे बुधवारी (ता.28) त्यांचे विमान अपघातात निधन झाले होते. त्यांच्यावर गुरुवारी (ता.29) शोकाकूल वातावरणात अंत्यसंस्कार झाले. अजितदादांच्या निधनांतर राज्य सरकारने तीन दिवसांचा दुखवटा जाहीर केला होता. दरम्यान, सरकारने अजित पवारांच्या विमानाच्या अपघाताचे सीआयडी चौकशीचे आदेश दिले आहे.

फॉरेन्सिक टीमने अपघातस्थळी जाऊन नमुने तपासणीसाठी गोळा केले आहेत. या अपघाताची नोंद बारामती पोलिस ठाण्यात करण्यात आली आहे. एक्सिडेंटल डेथ रिपोर्टच्या अनुषंगाने पुढील तपास करण्यात येणार आहे. दरम्यान, अपघातस्थळावर कोणालाही जाऊ न देण्याच्या सूचनाही बारामती पोलिसांना दिल्या आहेत.

...अन् विमान कोसळले

अजित पवारांच्या विमानाच्या अपघात पाहणाऱ्या प्रत्यक्षदर्शींनी माध्यमांना सांगितले की, विमान खाली आले आणि परत वर गेले. ते हलकावे खात होते. नंतर ते खाली येताना धावपट्टी सोडून खाली कोसळले आणि मोठा स्फोट झाला.

हा केवळ अपघात...

अजित पवार यांच्या अपघातामागे काही राजकारण आहे अशा प्रकारची भूमिका कलकत्त्यावरून मांडली गेली, असं कळलं. पण ह्यात राजकारण नाही हा निव्वळ अपघात आहे. ह्या मृत्यूच्या यातना महाराष्ट्राला, आम्हा सगळ्यांना आहेत. कृपया ह्यात राजकारण आणू नये, असे आवाहन अपघातानंतर ज्येष्ठे नेते शरद पवार (Sharad Pawar) यांनी केले होते.