NCP News : अजित पवारांच्या अपघाती निधनाने दोन्ही राष्ट्रवादी काँग्रेसला मोठा धक्का बसला आहे. आज सुनेत्रा पवार या उपमुख्यमंत्रिपदाची शपथ घेत आहेत. त्या पार्श्वभूमीवर दोन्ही राष्ट्रवादी काँग्रेस एकत्र येणार का? अशा चर्चा सुरू झाल्या आहेत. अजित पवारांनी दोन्ही राष्ट्रवादी एकत्र येण्यासाठी पुढाकार घेतला होता.
शरद पवार यांनी देखील जयंत पाटील आणि इतर सहकारी मिळून अजित पवारांशी विलिनिकरणाबाबत चर्चा करत होते असे सांगितले आहे. आता 17 जानेवारीचा एक व्हिडिओ समोर आला आहे. हा एका बैठकीचा व्हिडिओ आहे.
या व्हिडिओमध्ये अजित पवार, शरद पवार, राजेश टोपे, जयंत पाटील, अमोल कोल्हे, रोहित पवार दिसत आहेत. या बैठकीत राष्ट्रवादीच्या विलिनिकरणाबाबत झाल्याचे सांगितले जात आहे. दरम्यान, शरद पवारांनी दिलेल्या माहितीनुसार दोन्ही राष्ट्रवादी एकत्र येण्याबाबत अधिकृत घोषणा 12 तारखेला केली जाणार होती. मात्र त्यापूर्वीच आघात झाला.
शरद पवारांनी माध्यमांशी बोलताना सांगितले की, सुनेत्रा पवार शपथ घेणार याची माहिती त्यांना नाही. सुनील तटकरे, प्रफुल पटेल हे त्यांच्या पक्षाचे प्रमुख आहेत. त्यांना निर्णय घेण्याचा अधिकार आहे. त्यामुळे प्राधान्याने काय करावं हे त्यांनी ठरवलं आहे. त्यावर आम्ही काही भाष्य करणार नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.