Raj Thackeray Vs Nishikant Dubey : राज ठाकरेंच्या इशाऱ्यानंतरही निशिकांत दुबेंने पुन्हा डिवचले, म्हणाले, 'हिंदी सिखा...'

Nishikant Dubey News : 'महाराष्ट्र के बाहार आना बिहार, उत्तर प्रदेशमध्ये आना तुम्हे पटक पटके मारेंगे' असे भाजप खासदार निशिकांत दुबे म्हणाला होता. त्याला राज ठाकरेंनी आपल्या मीरा-भाईंदरच्या जाहीर सभेतून हिंदीतूनच उत्तर दिले.

राज ठाकरे म्हणाले, 'दुबे तुम मुंबई में आ जावो...मुंबई के समंदर में डुबे डुबे कर मारेंगे...'. या इशाऱ्यानंतर ट्विट करत निशिकांत दुबे याने राज यांना आपण हिंदी शिकवल्याचे म्हटले आहे.

निशिकांत दुबे याने 'मैंने राज ठाकरे को हिंदी सिखा दी ?' असे ट्विट केले आहे. त्याने ट्विट करताना राज ठाकरे जाहीर सभेतून त्याला उत्तर देत असलेल्या व्हिडिओ देखील रिट्विट केला आहे. राज ठाकरेंना हिंदी शिकवली असे म्हणत दुबे यांनी ठाकरेंना डिवचण्याचा प्रयत्न केला आहे.

मराठीच्या मुद्यावर राज ठाकरे आक्रमक झाले आहेत. त्यांनी आपल्या जाहीर सभेतमध्ये परप्रांतातून महाराष्ट्रात येऊन माज दाखवायचा नाही. हिंदी सक्ती करणाऱ्या सरकारची सत्ता विधानसभेत आणि लोकसभेत आहे. मात्र, आमची सत्ता रस्त्यावर आहे.

देवेंद्र फडणवीसांना इशारा

'मुख्यमंत्री देवेंद्र फडणवीस यांनी सांगितले म्हणे की आम्ही तिसरी हिंदी भाषा सक्तीची करणार म्हणजे करणार. जर राज्य सरकारला आत्महत्या करायची असेल तर त्यांनी बेशक करावी. त्या दिवशी मोर्चाच्या धसक्याने निर्णय मागे घ्यावा लागला होता. फडणवीसजी तुम्ही सांगताना तिसरी भाषा सक्तीची आम्ही आणणार म्हणजे आणणार. मी आत्ता सांगतोय तुम्ही पहिली ते पाचवी हिंदी आणण्याचा प्रयत्न तर करून बघा दुकानंच नाही शाळाही बंद करीन.', असा इशाराही राज ठाकरेंनी दिला.