Pune News: कणकवली विधानसभा मतदारसंघातून तिसऱ्यांदा विजयाची हॅट्ट्रिक करणारे नवनिर्वाचित मंत्री नितेश राणे यांचे वादग्रस्त विधान समोर आले आहे. 'केरळ हा मिनी पाकिस्तान आहे, त्यामुळेच राहुल गांधी आणि त्यांची बहीण प्रियंका गांधी तेथे विजयी होतात, असे लोक त्यांना खासदार बनवण्यासाठी मतदान करतात, असं आक्षेपार्ह विधान नितेश राणे यांनी केलंय.
राहुल गांधी (Rahul Gandhi) आणि त्यांची बहीण प्रियंका गांधी तेथून निवडून येतात. केरळचे सगळेच अतिरेकीच त्यांना मतदान करत आहेत. मी खरं बोलतोय. अतिरेक्यांना हाताशी धरूनच हे लोक खासदार झालेले आहेत, असे अक्षेपार्ह विधान यावेळी नितेश राणे यांनी केले आहे.
पुण्यातील सासवड येथे शिवप्रताप दिन अफजलखानाचा वधाचा आनंदोत्सव साजरा करण्यात आला. या कार्यक्रमाला नितेश राणे उपस्थित होते. या कार्यक्रमादरम्यान त्यांनी हे विधान केले आहे.
"आपल्या एका भगिनीला घरी आणण्यासाठी किती मेहनत करावी लागते ते आमच्यासारख्या हिंदुत्त्ववादी कार्यकर्त्यांना विचारा. पण या केरळमधल्या भावाने 12 हजार हिंदू भगिनींचं आयुष्य वाचवलं. केरळसारख्या राज्यात त्यांनी हे काम करून दाखवले,” असे नितेश राणे आपल्या भाषणादरम्यान म्हणाले.
2 नोव्हेंबर 2024 रोजी प्रसारमाध्यमांनी त्यांना मुस्लिमांबाबत काय समस्या आहे असे विचारले होते, तेव्हा ते म्हणाले की, देशात 90 टक्के हिंदू राहतात. हिंदूंच्या हिताची काळजी घेणे हा गुन्हा होऊ शकत नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.