Rane Brother Dispute : राणे बंधुंमध्ये शीतयुद्ध! व्हाॅट्सअपचा स्क्रीनशाॅट शेअर करत नितेश राणेंनी सुनावले,'धमकावणे बरोबर...'

Nitesh Rane News : मंत्री नितेश राणे यांनी धाराशीवमध्ये बोलताना महायुतीमधील मित्रपक्षांना टार्गेट केले होते. त्यानंतर त्यांचे मोठे बंधु, शिवसेना आमदार निलेश राणे यांनी ट्विट करत जपून बोलण्याच सल्ला नितेश यांना दिला होता तसेच महायुतीचे घटक असल्याची आठवण करून दिली होती. त्यांच्या या ट्विटला नितेश राणे यांनी उत्तर दिले होते. मात्र, त्यानंतर निलेश राणे यांनी हे ट्विट डिलिट केले.

नितेश-निलेश या राणें बंधुंमधील शीतयुद्ध निलेश यांनी ट्विट डिलिट केल्याने थांबल्याचे चित्र होते. मात्र, आता पुन्हा नितेश यांनी ट्विट करत निलेश यांना महायुती धर्माची आठवण करून दिली आहे. तसेच पदाधिकाऱ्याच्या धमकीबदद्ल थेट निलेश यांनी नोंद घेण्याची अपेक्षा व्यक्त केली आहे. त्यासाठी थेट व्हाॅट्सअपचा स्क्रीनशाॅट देखील शेअर केला आहे.

नितेश राणे यांनी केलेल्या ट्विटमध्ये म्हटले आहे की, 'आदरणीय निलेशजी ,आपणच काही दिवसा अगोधर महायुती बदल बोलला होता..आता असे आपल्याच मित्र पक्षाचा पदाधिकारी ला धमकवणे बरोबर नाही.शेवटी आपण महायुतीचे घटक आहोत..आपण नोंद घ्याल अशी अपेक्षा करतो.'

स्क्रीनशाॅटमध्ये काय?

निलेश राणे VIP NEWS या व्हाॅट्सअप ग्रपचा स्कीनशाॅट मंत्री नितेश राणे यांनी शेअर केला आहे. यामध्ये 'नको ते स्टेटमेंट देऊ नका, अंगाशी येईल तुमच्या. नंतर वाचवायला कोणी येणार नाही.' 'अजून मी संयम ठेऊन आहे.', अशी धमकी देण्यात आली आहे.

'ते' ट्विट डिलिट का केलं?

निलेश राणे यांनी नितेश राणेंना सल्ला देणारे ट्विट डिलिट केले होते. त्यावर निलेश राणे यांन स्पष्टीकरण देखील दिले होते. ते म्हणाले होते, मी ते ट्विट डिलीट केलं कारण मला जो त्यातून मेसेज द्यायचा होता तो मी दिलाय. एका भावाने एका भावाला दिलेला हा सल्ला होता. यातून वेगळा संदेश काढण्याची गरज नाही. याआधी देखील मी अनेक ट्विट डिलिट केली आहेत.