Karad News : शेतकऱ्यांना कर्ज न देणाऱ्या बॅंक मॅनेजरवर गुन्हा दाखल होणार : शंभूराज देसाई

Karad News : राष्ट्रीयकृत बॅंका कृषी पत पुरवठ्याचा कोटा पुर्ण करत नाहीत अशा तक्रारी माझ्याकडे आल्या आहेत. ज्या बॅंका कृषी पतपुरवठा करणार नाहीत, त्या बॅंकांच्या मॅनेजरवर सरकार फौजदारी गुन्हा दाखल करेल, असा इशारा उत्पादन शुल्क मंत्री आणि साताराचे पालकमंत्री शंभुराज देसाई यांनी दिला. उद्योग, सबसीडी, महामंडळाच्या योजनांबाबत काही तक्रारी असतील तर त्या माझ्याकडे द्या, पात्र लाभार्थ्यांना त्याचा लाभ देण्याची व्यवस्था करण्यात येईल, असेही आवाहन त्यांनी केले.

मंत्री देसाई Shambhuraj Desai आज कऱ्हाड येथे दौऱ्यावर असताना आयोजीत पत्रकार परिषदेत बोलत होते. ते म्हणाले, राष्ट्रीयकृत बॅंका कृषी पत पुरवठ्याचा कोटा पुर्ण करत नाहीत अशा तक्रारी माझ्याकडे आल्या आहेत. कृषी पतपुरवठा ज्या बॅंका करणार नाहीत त्या बॅंकांच्या मॅनेजवर सरकार फौजदारी गुन्हा दाखल करेल. उद्योग, सबसीडी, महामंडळाच्या योजनांच्याबाबत माझ्याकडे तक्रारी द्याव्या.

पात्र लाभार्थ्यांना त्याचा लाभ देण्याची व्यवस्था करण्यात येईल. कृषी सन्मान योजनेत कृषी विभाग आणि महसुल विभागाचा समन्वय नसेल आणि शेतकऱ्यांची गैरसोय होत असेल तर तातडीने मी कृषीमंत्री यांच्याशी बोलुन तांत्रीक अडचण दूर करेन. ते म्हणाले, नियमीत कर्ज फेडणाऱ्या शेतकऱ्यांना 50 हजार रुपये देवु अशी घोषणा उद्धव ठाकरे Udhav Thackeray मुख्यमंत्री आणि अजित पवार Ajit Pawar उपमुख्यमंत्री असताना विधानसभेत केली होती.

मात्र, त्यांच्या अडीच वर्षाच्या काळात त्यांना ते देता आले नाहीत. आमचे शिंदे-फडणवीस सरकार आल्यानंतर केवळ चार-पाच महिन्यातच आम्ही एका क्लीकवर साडेसात हजार कोटी शेतकऱ्यांच्या खात्यावर पैसे जमा केले. जो शेतकरी नियमीत कर्ज फेडण्यात पात्र आहेत त्यातुन एकही शेतकरी त्यापासून वंचीत राहणार नाहीत. उर्वरीत शेतकऱ्यांनाही लवकरच पैसे देण्याची व्यवस्था शासनाकडून केली जाणार आहे.

ते म्हणाले, उत्पादन शुल्क विभागाकडून बेकायदेशीर दारु विक्रेत्यांवर कारवाई करण्यासाठी भरारी पथकाला अलर्ट केले आहे. भरारी पथकाला स्वतंत्र वाहने दिली आहेत. यावर्षी 144 अधिकारी मिळाले आहेत, अजुन 140 अधिकारी मिळणार आहेत. एक हजार जवानांची जाहीरात काढली आहे. 1200 ते 1300 अधिकारी, कर्मचारी भरत आहे. खात्याची पदे दुप्पट करुन त्यावर नियंत्रण आणणार आहे. त्यामुळे कारवाया वाढल्या आहेत.