थोडक्यात बातमी :
माजी आमदार के.पी. पाटील व जिल्हा बँकेचे संचालक ए.वाय. पाटील हे मेहुणे असूनही अंतर्गत वादामुळे एकमेकांविरोधात राजकीय बंडखोरी करत आहेत.
राष्ट्रवादीत प्रवेश करूनही दोघांमध्ये समेटाच्या प्रयत्नांना अपयश आले; अजित पवार यांच्या मध्यस्थीनेही वाद मिटला नाही.
या वादाचा परिणाम स्थानिक स्वराज्य संस्था व सहकारी संस्थांच्या निवडणुकांवर होणार असल्याची भीती कार्यकर्त्यांमध्ये आहे.
Kolhapur News: विधानसभा निवडणुकीचा शब्द न पाळल्याने कोल्हापूर जिल्हा बँकेचे संचालक ए वाय पाटील यांनी मेहुणे माजी आमदार के.पी.पाटील यांच्याविरोधात बिद्री सहकारी साखर कारखाना आणि विधानसभा निवडणुकीत बंडखोरी केली. लोकसभा निवडणुकीत काँग्रेसला पाठिंबा दिलेले ए. वाय. पाटील यांनी विधानसभा निवडणुकीत माजी आमदार के. पी. पाटील यांच्याविरोधात मैदानात उतरले. पण त्याचा फायदा कोल्हापूर जिल्ह्याचे सध्याचे पालकमंत्री प्रकाश आबिटकर (Prakash Abitkar) यांना झाला.
विधानसभा निवडणुकीतील पराभवानंतर ए. वाय. पाटील यांची पावले राष्ट्रवादीकडे आहेत. तर आगामी स्थानिक स्वराज्य संस्थेच्या आणि सहकारी संस्थेच्या निवडणुकीचा अंदाज घेत सहा महिन्यांत तीन पक्ष बदल करून पुन्हा माजी आमदार के. पी. पाटील हे राष्ट्रवादीत दाखल झाले.
गोकुळ दूध संघ कोल्हापूर जिल्हा बँक या सहकारी संस्थेच्या निवडणुका येत्या काळात होणार आहेत. शिवाय स्थानिक स्वराज्य संस्थेच्या निवडणुकींना देखील राष्ट्रवादी काँग्रेसला सामोरे जायचं आहे. वैद्यकीय शिक्षण मंत्री हसन मुश्रीफ (Hasan Mushrif) यांचे राधानगरीतील शिलेदार म्हणून माजी आमदार के. पी. पाटील आणि ए. वाय. पाटील यांच्याकडे पाहिले जाते.
पण हे दोघेही मेहुणे पाहुणे अंतर्गत वादातून एकमेकांच्या विरोधात आहेत. त्याचा फटका स्थानिक स्वराज्य संस्थेला बसणार असा अंदाज आल्याने उपमुख्यमंत्री अजित पवार यांच्या मध्यस्थीने दोघांच्या वादातील तोडगा काढण्याचा निर्णय झाल्याची माहिती होती.
दिवंगत आमदार पी एन पाटील यांचे सुपुत्र राहुल पाटील यांचा नुकताच राष्ट्रवादीत पक्ष प्रवेश झाला. यासाठी उपमुख्यमंत्री अजित पवार कोल्हापुरात आले होते. यांच्या उपस्थितीत दोघांमध्ये समेट घडवण्याची चर्चा धनगरी विधानसभा मतदारसंघात होती.
मात्र, या ठिकाणीही वरिष्ठ नेत्यांना अपयश आले. कोणत्याही परिस्थितीत ए वाय पाटील माजी आमदार के पी पाटील यांच्यासोबत पुन्हा सूत जुळवण्याच्या तयारीत नाहीत असेच एकंदरीत चित्र आहे. त्याचा प्रत्यय उपमुख्यमंत्री अजित पवार यांच्या दौऱ्यात देखील आला.
उपमुख्यमंत्री अजित पवार हे कोल्हापूर दौऱ्यावर आल्यानंतर माजी आमदार के. पी. पाटील हे पवार यांच्या स्वागतासाठी शासकीय विश्रामगृह येथील दाखल झाले होते. पवार यांचे स्वागत करून माजी आमदार के. पी. पाटील निघून गेले. तर पुढे पक्षप्रवेशाच्या कार्यक्रमात त्यांची उपस्थिती राहिली.
तर दुसरीकडे अजित पवार हे राहुल पाटील यांच्या घरी स्नेहभोजनासाठी गेले. या स्नेहभोजना वेळी जिल्हा बँकेचे संचालक ए. वाय. पाटील त्या ठिकाणी उपस्थित होते. मात्र पक्षप्रवेशाच्या सोहळ्याप्रसंगी ए. वाय. पाटील हे उपस्थित नव्हते. यावरूनच दोघांच्यातील अंतर्गत दुरावा कायम राहणार हे चित्र स्पष्ट झाले आहे. त्यामुळे राधानगरीतील राष्ट्रवादीच्या एकाच घराला यापुढे दोन उंबरे राहणार की काय? असा सवाल कार्यकर्त्यांना पडला आहे.
प्रश्न 1: ए.वाय. पाटील यांनी कोणत्या निवडणुकीत बंडखोरी केली होती?
उत्तर: विधानसभा व बिद्री सहकारी साखर कारखाना निवडणुकीत.
प्रश्न 2: माजी आमदार के.पी. पाटील व ए.वाय. पाटील यांच्यात काय नातं आहे?
उत्तर: ते दोघे मेहुणे आहेत.
प्रश्न 3: अजित पवार यांनी कोणत्या ठिकाणी दोघांचा समेट घडवण्याचा प्रयत्न केला?
उत्तर: राधानगरी विधानसभा मतदारसंघातील दौऱ्यात.
प्रश्न 4: या वादाचा परिणाम कुठे होऊ शकतो?
उत्तर: कोल्हापूर जिल्हा बँक, गोकुळ दूध संघ आणि स्थानिक स्वराज्य निवडणुकांवर.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.