Satara News : भर सभेत तलवार उंचावत उदयनराजे म्हणाले, वाकड्या नजरेने बघू नका...

Udayanraje Bhosale News : एक चुक झाली 2012 मध्ये मी त्यांच्या प्रचाराला गेलो, त्यावेळी मनोमिलन होते. स्वार्थ साधला गेला की जसा सरडा रंग बदलतो तशी काही लोकांची खासियत असते, अशी जहरी टीका खासदार उदयनराजे भोसले Udayanraje Bhosale यांनी आमदार शिवेंद्रराजे Shivendraraje Bhosale यांच्यावर केली. तसेच भर सभेत उदयनराजेंनी तलवार उंचावून वाकड्या नजरेने बघू नका, असे म्हणत शिवेंद्रसिंहराजेना अप्रत्यक्ष इशारा दिला.

खासदार उदयनराजे भोसले व आमदार शिवेंद्रसिंहराजे भोसले यांच्यातील कलगीतूरा संपेना झाला आहे.दोघेही एकमेकांवर ताेफ डागत असून आंबळे येथील कार्यक्रमात खासदार उदयनराजेंनी पुन्हा एकदा शिवेंद्रसिंहराजेंचा नामाेल्लेख टाळून टीकेची झोड उठवली आहे.

उदयनराजे म्हणाले, काही लोकांना असं वाटतं की हा भाग हा परिसर म्हणजे माझाच आहे. पण, मला हसु येतंय, साक्षात छत्रपती शिवाजी महाराजांनी सुध्दा पण मनात कधी असं आणलं नाही. की हे माझं ते माझं. ते नेहमी म्हणायचे समाजामुळे मी आहे. माझ्यामुळे समाज नाही.

उदयनराजे म्हणाले, एक चुक झाली की 2012 च्या निवडणुकीत मी प्रचाराला गेलो. त्यावेळी आमचं मनोमिलन होते. स्वार्थ साधला गेला की जसा सरडा रंग बदलतो तशी काही लोकांची खासियत असते, असे म्हणत त्यां‍नी शिवेंद्रराजे यांच्यावर टीका केली. तसेच भर सभेत उदयनराजेंनी तलवार उंचावून वाकड्या नजरेने बघू नका, असे म्हणत शिवेंद्रसिंहराजेना अप्रत्यक्ष इशारा दिला.