Hasan Mushrif : 'गोकुळमध्ये मुश्रीफांना विरोधच', पण...; महायुतीच्या व्यासपीठावरून आमदार शिवाजीराव पाटील भडकले

Gokul Election News : विधानसभा निवडणुकीत मला टार्गेट केले, पण आज पश्चाताप होत आहे. चंदगडमध्ये आम्हाला दुर्लक्ष केले. आमचा केवळ गोकुळमध्ये वापर करून घेतला. आजपर्यंत चंदगडला काय दिले? असा सवाल करत हसन मुश्रीफ यांना माझा व्यक्ती म्हणून गोकुळमध्ये विरोध आहेच. पण मुख्यमंत्री देवेंद्र फडणवीस यांच्या आदेशापुढे जाणार नाही, असा घणाघात महायुतीच्या व्यासपिठावरून भाजपचे नेते आमदार शिवाजीराव पाटील यांनी गोकुळ निम्मित आयोजित मेळाव्यातून केला.

अवसयानात निघालेल्या 1320 व मध्यंतरी आदेशातील 427 दूध संस्था मध्ये आमच्या देखील आहेत. 1100 शे संस्था अपात्र झाल्या आहेत. गैरकारभार सुरु होता म्हणून आम्ही गोकुळवर प्रशासक लागले पाहिजे. एसआयटी लागली पाहिजे म्हणून आम्ही मागणी केल्याचे स्पष्टीकरण आमदार शिवाजीराव पाटील यांनी दिले.

आमच्याकडे अजून एमबीबीएस डॉक्टर नाहीत, मला वाईट वाटतंय. आजपर्यंत चंदगडला या नेत्त्यांनी काय दिले. जे अपात्र केलेल्या संस्थेच्या सभासदांसाठी जे कोर्टात गेले त्यांच्या विरोधात आम्ही कोर्टात जाणार. पण चंदगड तालुक्याला न्याय मिळवून देणार असेही आमदार पाटील म्हणाले.

नेत्यांना सोबत येण्यासाठी साद...

यावेळी शौमिका महाडिक यांनी, आमच्याकडे बोगस संस्था नाहीत. एका मतांसाठी दुसरे बोगस मत तयार केलेलं आमच्याकडे नाही. आमच्याकडे 1430 संस्था आहेत. त्यामध्ये बोगस, अवसयानातील आणि एसआयती चौकशीतील दूध संस्था नाहीत. यामुळे माझा विरोध हा व्यवस्थेच्या विरोधात आणि चुकीच्या कार्यपद्धतीवर होता. कोणत्याही व्यक्तीच्या विरोधात नसल्याचे महाडिक यांनी स्पष्ट केले.

महायुतीचा अध्यक्ष असताना देखील मी चुकीच्या कामना विरोध केला आहे. जे आमच्यासोबत नाहीत. त्यांना मी आवाहन करतो की त्यांनी आमच्यासोबत यावे. सहकारात सर्वाना सोबत घेऊन दूध उत्पदकांचा कल्याण करावे असेही महाडिक म्हणाल्या.