Satara News : साताऱ्यात रिक्षाचालकाने महिला पोलीस कॉन्स्टेबलला फरफटत नेल्याची धक्कादायक घटना समोर आली आहे. ही घटना सोमवारी(ता.18) घडली. सीसीटीव्हीमध्ये संबंधित संतापजनक प्रकार कैद झाला आहे.
साताऱ्यात (Satara) दारुच्या नशेत रिक्षा चालवणाऱ्या एका चालकाला थांबवण्याचा प्रयत्न करताच त्याने महिला पोलीस कॉन्स्टेबलला फरफटत नेले. या घटनेत महिला पोलीस कॉन्स्टेबल गंभीर जखमी झाली असून तिच्यावर उपचार सुरू आहेत.
सातारा शहरातील खंडोबा माळ ते मार्केट यार्ड या परिसरात ही घटना घडली. या घटनेत रिक्षाचालकानं ड्युटीवर असलेल्या महिला पोलीस (Police) कॉन्स्टेबलला फरफटत नेले. शहरात मध्यवर्ती आणि वर्दळीच्या ठिकाणी ही घटना घडल्यानंतर मोठा संताप व्यक्त करण्यात येत आहे.
मिळालेल्या माहितीनुसार, या घटनेतील रिक्षा चालक हा दारूच्या नशेत असल्याचं समोर येत आहे. महिला पोलीस कर्मचाऱ्याच्या ही बाब लक्षात येताच त्यांनी या रिक्षाचालकाला रोखण्याचा प्रयत्न केला. त्यावेळी या रिक्षाचालकानं महिला पोलीस कर्मचाऱ्याला दीडशे ते दोनशे मीटर अंतरापर्यंत फरफटत नेले.
धक्कादायक बाब म्हणजे याच रिक्षाचालकानं यावेळी त्याच्या मार्गातील अनेक दुचाकी आणि चारचाकी गाड्यांना धडक दिल्याचंही समोर येत आहे. यानंतर नागरिकांनी या रिक्षाचालकाला पकडत चोप दिला. पोलिसांनी या रिक्षाचालकाला अटक केली आहे.पण या घटनेमुळे साताऱा शहरात मोठी खळबळ उडाली.
या घटनेतील संबंधित महिला पोलीस कर्मचारी या घटनेत गंभीर जखमी झाली असून त्यांना तातडीनं रुग्णालयात दाखल करण्यात आले आहे. या महिला पोलीस कॉन्स्टेबलवर उपचार सुरू असल्याची माहिती देण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.