Satara News : राज्यपालांचा महाबळेश्‍वर दौरा पुढे ढकलला

Mahabaleshwar News : महाराष्ट्राचे राज्यपाल रमेश बैस हे दहा मेपासून सात दिवसांच्या महाबळेश्‍वर, पांचगणी दौऱ्यावर येणार होते. मात्र, त्यांचा हा दौरा पुढे ढकलण्यात आल्याची माहिती मिळत आहे.

महाबळेश्वर पर्यटनस्थळी उन्हाळी हंगामात राज्यपालांची Governer आपल्या कुटुंबीय व लवाजम्यासह येण्याची ब्रिटिश काळापासून प्रथा आहे. याआधी देखील अनेक राज्यपाल हे उन्हाळी हंगामामध्ये चार - पाच दिवसांसाठी मुक्कामी येत असत.

यापूर्वीचे राज्यपाल भगतसिंह कोश्यारी Bhagatsinh Koshyari येथे दोन वेळा आले होते. आता राज्यपाल रमेश बैस Ramesh Bais हे पहिल्यांदाच महाबळेश्वर दौऱ्यावर येणार होते. या दौऱ्याच्या अनुषंगाने गेले काही दिवस राजभवन परिसरात सौंदर्यीकरणाची कामे सुरु होती.

प्रशासनाकडून त्यादृष्टीने तयारी सुरु होती. आज मिळालेल्या माहिती वरून राज्यपाल रमेश बैस यांचा महाबळेश्वर दौरा पुढे ढकलण्यात आला आहे. दौरा पुढे ढकलण्यामागे नेमके कारण काय असेल, हे येत्या काही दिवसात समजेल. सध्या मात्र हा दौरा पुढे ढकलल्याची माहिती मिळत आहे.