Gokul Election : 'सतेज पाटलांनी काय करावे ते त्यांनी ठरवावं, महायुतीच्या जागावाटप मुख्यमंत्री ठरवतील', मंत्री मुश्रीफांनी गोकुळचा विषय संपवला

Kolhapur News : सतेज पाटील यांनी काय करावं? हा त्यांचा प्रश्न आहे. आम्ही युती म्हणून काय करावं? हा आमचा प्रश्न आहे. आमचं ठरलेलं आहे की गोकुळची निवडणूक लढवणार आणि जिंकणं आणि महायुतीचा चेअरमन करणे हे फायनल आहे. मतदार यादी जोपर्यंत होणार नाही. तोपर्यंत जागावाटप होणार नाही. मतदार यादी फायनल झाल्यानंतर मुख्यमंत्र्यांसमोर हा पेच सुटेल. पण सध्यातरी जागांचा फॉर्मुला ठरलेला नाही, असे विधान मंत्री हसन मुश्रीफ यांनी गोकुळ दूध संघाच्या निवडणुकीच्या निमित्ताने महायुतीच्या जागावाटपाच्या प्रश्नावर बोलत होते.

गोकुळची कच्ची यादी आणि पक्की यादी असा कार्यक्रम जाहीर झालेला आहे. आता कच्च्या आणि पक्क्या याद्यांचा संस्थांकडून ठराव जाणे. संस्थांनी त्यांच्या व्यक्तीचा ठराव करून पाठवणे हा पहिला टप्पा आहे.

आता दुसरा टप्पा आहे. तो कच्ची आणि पक्की यादी पूर्ण झाल्यानंतर सेपरेट ठराव करून पाठवणे. त्यानंतर या दोन्ही याद्या पूर्ण झाल्यानंतर निवडणूक लागेल. ही निवडणूक सप्टेंबर महिन्यात लागण्याचा अंदाज असल्याचे मंत्री मुश्रीफ यांनी स्पष्ट केले.

आम्ही महायुती म्हणूनच लढणार हे सातत्याने यापूर्वी सुद्धा जाहीर केलेला आहे. आमचे मित्र सतेज पाटील म्हणाले 12 हजार वेळा मुश्रीफ यांनी महायुती महायुती हे शब्द त्यांनी उच्चारलेले आहेत. आता पहिला टप्प्यात आपली मतदार यादी आपले लोक हे चांगल्या पद्धतीने कसे ठराव करतील, हे पाहणे गरजेचे आहे. निवडणुकीचा टप्पा अद्यापही पुढे आहे.

सीपीआर रुग्णालयातील केबिन वादावर बोलताना, राज्याचे मुख्यमंत्री देवेंद्र फडणवीस यांच्या वतीने सीपीआर मधील विविध विकासकामांचे लोकार्पण होणार आहे. तोपर्यंत इथल्या अधिकाऱ्यांनी शांत रहावं, त्या केबिनमध्ये सिविल सर्जन बसत होते. हे खरं आहे पण ही मालमत्ता चल आणि आचल मालमत्ता असते. आता ही वैद्यकीय शिक्षण विभागाकडे मालमत्ता आहे. मी आणि आरोग्य मंत्री प्रकाश आबिटकर एकत्रित बसून या प्रश्नावर तोडगा काढू, असेही मुश्रीफ म्हणाले.