Corruption case Kolhapur : पोलिस अधिकाऱ्याचे हात लाचेने रंगले, एका अधिकाऱ्यांसह तिघेजण लाचलुचपतच्या जाळ्यात.

Anti-corruption trap 2024 : पुण्यात जप्त केलेला टेम्पो आणि तक्रारदाराला गुन्ह्यात मदत करतो, असे आश्वासन देऊन 50 हजार रुपयांच्या लाचेची मागणी करणारा पोलिस अधिकारी लाच लुचपत विभागाच्या जाळ्यात सापडला आहे. गांधीनगर पोलिस ठाण्यातील सहाय्यक पोलिस निरीक्षक दीपक जाधव यांच्यासह पोलिस उपनिरीक्षक आणि एका हेड कॉन्स्टेबल वर गुन्हा नोंद करण्यात आला आहे. दरम्यान पोलीस दलातच लाज घेण्याचा प्रकार उघडकीस आल्यानंतर पोलीस दलात खळबळ उडाली आहे.

मिळालेल्या माहितीनुसार, यातील तक्रारदार व त्यांचा मित्र जनावरे वाहतुकीचा व्यवसाय करीत असून तक्रारदार यांच्यासह त्याच्याच साथीदारांवर गांधीनगर पोलीस ठाण्यात गुन्हा दाखल आहे. तक्रारदार यांचा गुन्हयात आयशर टैम्पो जप्त आहे.

जप्त केलेला टेम्पो सोडवण्यासाठी कोर्टात माहिती सादर करण्यात यावी यासाठी तपास अधिकारी पोलीस उप निरीक्षक शिरणीरे यांना भेटले होते. त्यावेळी त्यांनी तक्रारदार यांच्याकडे ३०,००० रूपयांची मागणी केली होती. दरम्यान तक्रारदार यांनी आपल्याकडे पैशाची मागणी होत असल्याची तक्रार लाच लुचपत विभागाकडे (ACB) दिली होती.

दरम्यान, तक्रारदार यांना फोनवर पोलीस कर्मचारी कांबळे यांची भेट घेण्यास संगितले त्याप्रमाणे तक्रारदार यांनी पोलीस कर्मचारी कांबळे यांची भेट घेतली असता पोलीस कर्मचारी कांबळे यांनी शिरगिरे यांना फोन करून माहिती दिली व तक्रारदारांचा सहकारी यांच्याकडून २० हजार रुपये घेतल्याची माहिती दिली. उर्वरित 15000 रुपयाचे तडजोड करण्याची मागणी केली.

दरम्यान दीपक जाधव यांनी गुन्ह्यात अटकेत असलेला तक्रारदार यांना मदत करण्यासाठी 35000 आणि वाहन सोडवण्यासाठी दहा हजार रुपये अशी मागणी केल्याची माहिती समोर आली. लाचलुचपद विभागाकडे हे लाच घेण्याची माहिती स्पष्ट झाल्यानंतर तक्रारदाराने दिलेल्या तक्रारीवरून सहाय्यक पोलीस निरीक्षक दिपक शंकर जाधव, पोलीस उपनिरीक्षक आबासाहेब तुकाराम शिरगिरे, पोलीस कॉन्स्टेबल संतोष बळीराम कांबळे यांच्यावर गुन्हा दाखल करण्यात आला आहे.