Kolhapur News: पुढील वर्षात कोल्हापूर जिल्हा दूध उत्पादक अर्थात गोकुळ दूध संघाची निवडणूक होणार आहे. निवडणुकीच्या पार्श्वभूमीवर जिल्ह्यातील मातब्बर नेत्यांनी एक एक ठरावासाठी कंबर कसली आहे. राधानगरी, भुदरगड आणि चंदगड मधील ठराव धारकांना लाखमोलाचे टोकन देऊन आतापासूनच ठराव आपल्या ताब्यात घेतले आहेत.
जिल्ह्यातील नेत्यांमध्ये या ठरावावरून इर्षा सुरू झाली असताना जिल्ह्यातील सत्ताधाऱ्यांना येणाऱ्या काळात मोठा धक्का बसू शकतो. कारण 2023 पासून जिल्ह्यातील 148 प्राथमिक दूध संस्थानी निवडणूकच घेतली नसल्याचे समोर आले आहे. त्या संदर्भात गोकुळकडून माहिती मागविल्यानंतर आणखी वास्तव समोर येण्याची शक्यता आहे. जर या संस्थांची निवडणूकच झाली नसेल तर या संस्थांचे मतदार यादीतून नाव बाहेर पडणार आहे हे जवळपास निश्चित आहे.
कोल्हापूर जिल्ह्यातील 148 प्राथमिक दूध संस्थानिक 2023 पासून निवडणूक घेतली नसल्याचे समोर आल्यानंतर सहाय्यक निबंधक दुग्ध विभाग यांच्याकडून वारंवार या दूध संस्थांना पत्रव्यवहार करून माहिती मागवली आहे. मात्र या दूध संस्थानी कोणताच प्रतिसाद दिला नसल्याचे समोर आले आहे.
त्यानंतर या दुग्ध विभागाने थेट गोकुळकडे मोर्चा वळवत अशा संस्थांचे दूध संकलनाची माहिती गोकुळकडे मागितली आहे. गोकुळकडून अशा दूध संस्थांचे संकलन होत नसेल तर या संस्थांवर कारवाई होणार हे जवळपास निश्चित समजले जाते. दरम्यान वारंवार पत्र व्यवहार करून ही प्रतिसाद होत नसल्याने दुग्ध विभागाने पुढील कारवाई सुरू केली आहे.
या सर्व संस्था 2023 ते 2025 या कार्यकाळातील आहेत. यासंदर्भात दूध संकलन सुरू आहे की नाही याबाबतची माहिती गोकुळ दूध संघाकडे मागितले आहे. संकलन सुरू असेल तर निवडणुका का घेतल्या नाहीत याची देखील माहिती दुग्ध विभाग घेणार आहे. यापूर्वी गोकुळ दूध संघातील जवळपास दीडशे संस्था अवसायानात काढल्या आहेत.
यातील काही संस्थांचे दूध संकलन बंद तर अनेकांनी लेखापरीक्षण न केल्याचं समोर आले होते तर अनेकांनी निवडणूक देखील घेतली नसल्याचे समोर आल्याने दुग्ध विभागाने खडक कारवाई करत असताना या संस्था अवसायानात काढले आहेत. त्यानंतर पुन्हा एकदा 148 संस्थांनी निवडणूक न घेतल्याचे समोर आल्यानंतर गोकुळ कडून माहिती प्राप्त झाल्यानंतर या संस्थांवर देखील कारवाईचे संकेत मिळत आहेत. तर यामध्ये देखील दोष आढळला तर आगामी गोकुळच्या आगामी मतदार यादीतून या संस्था बाहेर पडणार हे जवळपास निश्चित आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.