Suresh Khade : राज्य सरकारचा 'हा' निर्णय अन् मंत्री खाडे रिक्षा चालवतच पोहचले कार्यक्रमस्थळी

Sangli : शिंदे-फडणवीस सरकारने ९ मार्चला राज्याचा अर्थ अर्थसंकल्प सादर केला. यावेळी अर्थसंकल्पामध्ये रामोशी समाज, गुरव समाज, वडार समाज, लिंगायत समाज तसेच ऑटो रिक्षा चालक-मालक कल्याणकारी महामंडळ स्थापन करण्याचा निर्णय सरकारने घेतला.

राज्य सरकारने रिक्षा चालक कल्याणकारी महामंडळ स्थापन करण्याचा निर्णय घेतल्यामुळे मंत्री सुरेश खाडे यांचा सांगलीतील मिरजेत सत्कार समारंभ आयोजित करण्यात आला होता. या कार्यक्रमाला उपस्थित राहण्यासाठी मंत्री खाडे यांनी थेट रिक्षात बसून जाणे पसंत केले.

मंत्री सुरेश खाडे यांनी शहरातून रिक्षाचे सारथ्य करत सर्वांनाच आश्‍चर्याचा धक्का दिला. थेट रिक्षा चालवून ते कार्यक्रमस्थळी पोहोचले. मंत्री महोदय रिक्षात आल्यामुळे सुरक्षा रक्षकांची आणि त्यांच्या कार्यकर्त्यांचीही चांगलीच धावपळ उडाली.

मंत्री खाडे हे रिक्षा चालवत कार्यक्रम स्थळी पोहचले. तसेच कार्यक्रम स्थळी धनगर समाजाकडून त्यांचे ढोल वाजवून स्वागत करण्यात आले.

यावेळी मंत्री खाडे यांनीही ढोल वाजवण्याचा आनंद घेतला. दरम्यान, मंत्री खाडे यांनी रिक्षाचे सारथ्य केल्यामुळे शहरातील रिक्षा चालकांमध्ये आनंदाचे वातावरण पाहायला मिळाले.