Nana Patole News : काँग्रेस प्रदेशाध्यक्ष नाना पटोले यांनी आरक्षणाच्या मुद्द्यावर आपली स्पष्ट व आक्रमक भूमिका मांडली. एनडीए सरकारने देशात आणि महायुती सरकारने महाराष्ट्रात जातीय संघर्षाची परिस्थिती निर्माण केली आहे. त्यांनी मराठा, ओबीसी, धनगर समाजांना दिलेली आश्वासने फक्त निवडणुकीच्या काळात राजकीय चेष्टा म्हणून केली होती.
2021 मध्ये भाजपने जनगणना न केल्याने या समाजांचा आरक्षणाचा प्रश्न अधिक गंभीर झाला आहे. नाना पटोले (Nana Patole) यांचे म्हणणे आहे की, मराठा आणि ओबीसी समाजाला न्याय मिळवून देण्यासाठी 50 टक्क्यांच्या आरक्षण मर्यादेवरून पुढे जाणे आवश्यक आहे, आणि जातनिहाय जनगणना हा त्याचा एकमेव उपाय आहे.
नाना पटोले यांनी भाजपवर जोरदार टीका केली की, भाजपने शेतकरी, गरीब आणि मागासवर्गीय समाजाच्या आरक्षणाच्या मुद्द्याचा फक्त राजकीय शस्त्र म्हणून वापर केला. जातीनिहाय जनगणनेच्या प्रश्नाचे घोंगडे कायम भिजत ठेवले आहे.
महाविकास आघाडीने याबाबत ठोस भूमिका घेतली असून, केंद्राकडे तितक्याच तीव्रतेने ही भूमिका मांडली जाईल. महाविकास आघाडी सत्तेत आल्यास या समस्येवर ठोस निर्णय घेतला जाईल, असा विश्वास त्यांनी व्यक्त केला.
नाना पटोले यांनी देवेंद्र फडणवीस यांच्यावरही जोरदार टीका केली. २०१४ च्या विधानसभा निवडणुकीपूर्वी फडणवीस यांनी मराठा आणि धनगर समाजाला आरक्षण देण्याचे आश्वासन दिले होते. मात्र, सत्तेत आल्यावर या आश्वासनांची पूर्तता करण्यात भाजप अपयशी ठरला. पटोलेंच्या मते, फडणवीस हे "खलनायक" आहेत. त्यांनी राज्यातील ओबीसी समाजाचे राजकीय आरक्षण संपवले आणि या समाजाची दिशाभूल केली.
काँग्रेस (Congress) प्रदेशाध्यक्ष नाना पटोले यांनी स्पष्ट केले की, भाजपला आरक्षणासारख्या संवेदनशील मुद्द्यांवर बोलण्याचा नैतिक अधिकार नाही. भाजप आणि त्यांच्या मातृसंस्था राष्ट्रीय स्वयंसेवक संघाचे आरक्षणविरोधी धोरण असल्याचे पटोले यांनी वारंवार ठणकावून सांगितले आहे. सरसंघचालक मोहन भागवत यांनी आरक्षण संपवण्याचे वक्तव्य केले होते, याची आठवणही पटोले यांनी करून दिली आहे.
काँग्रेस पक्षाने नेहमीच सर्वसमावेशक समाजाच्या न्यायासाठी लढा दिला आहे. जातनिहाय जनगणना करून समाजातील प्रत्येक घटकाला त्याच्या लोकसंख्येच्या प्रमाणात आरक्षण देणे हेच काँग्रेसचे ध्येय आहे. नाना पटोले यांनी काँग्रेसची ही भूमिका आक्रमकपणे मांडली आहे आणि भाजप सरकारवर टीका करत सांगितले की, भाजप आरक्षणाच्या प्रश्नावर बोलण्याऐवजी खोटा प्रचार करत आहे.
सत्तेत आल्यावर जातनिहाय जनगणना करण्यासाठी त्यांनी ठोस पावले उचलली जातील आणि समाजातील प्रत्येक घटकाला त्याचा हक्क मिळवून दिला जाईल, यासाठी काँग्रेस कटिबद्ध आहे.
महाविकास आघाडीचा आरोप आहे की, युतीने राज्यातील जाती-जातीमध्ये संघर्ष पेटवून राजकीय पोळी भाजण्याचे पाप केले आहे. नाना पटोले यांचे मत आहे की, भाजपच्या नेतृत्वाखाली राज्यातील मराठा आणि ओबीसी समाजांमध्ये जाणूनबुजून फूट पाडण्यात आली आहे, ज्यामुळे राज्यातील सामाजिक एकोप्याला धक्का बसला आहे. काँग्रेसने सत्तेत आल्यास या प्रश्नावर तातडीने निर्णय घेऊन जातनिहाय जनगणना केली जाईल, आणि आरक्षणाचा मुद्दा कायमचा सोडवला जाईल, असा आत्मविश्वास पटोले यांनी व्यक्त केला आहे.
Facebook link Nana Patole
https://www.facebook.com/nanapatoleinc?mibextid=ZbWKwL
Instagram link Nana Patole
https://www.instagram.com/nanapatoleinc?igsh=MTJiYm56c21veTV5NA==
Twitter link Nana Patole
https://x.com/NANA_PATOLE?t=N2H_xQP8h6AMQVFp-bsD3Q&s=09
YouTube link Nana Patole
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.