रामदास आठवले म्हणाले, कोल्हेंनी माझ्या लग्नात लाडू वाटले होते...

कोपरगाव ( जि. अहमदनगर ) - माजी मंत्री शंकरराव कोल्हे यांचे दोन दिवसांपूर्वी निधन झाले. आरपीआय (आठवले गट)चे नेते तथा केंद्रीय मंत्री रामदास आठवले ( Ramdas Athavale ) यांनी कोल्हे कुटुंबाची भेट घेऊन सांत्वन केले. या प्रसंगी रामदास आठवले यांनी पत्रकारांशी बोलताना माजी मंत्री शंकरराव कोल्हे यांच्या स्मृतींना उजाळा दिला. ( Ramdas Athavale said, Kolhe had felt laddu in my marriage ... )

केंद्रीय मंत्री रामदास आठवले कोपरगाव येथे स्वर्गीय शंकरराव कोल्हे यांच्या घरी जाऊन सात्वन केलं यावेळी जुन्या आठवणींना उजाळा दिल. रामदास आठवले म्हणाले, माझ्या लग्नामध्ये स्वर्गीय शंकरराव कोल्हे यांनी लाडू वाटले होते, असे आठवले यांनी सांगितले. (Ramdas Athawale News)

आठवले यांनी सांगितले की, माजी मंत्री शंकरराव कोल्हे हे सहकारासह विविध क्षेत्रातील आदरनिय व्यक्तिमत्त्व होते. त्या काळामध्ये शंकरराव कोल्हे यांनी अमेरिकेमध्ये शिक्षण घेतल्यानंतर अमेरिकेमध्ये न राहता आपल्या देशात येऊन शेतकऱ्यांसाठी काम केलं. माझा आणि त्यांचा अगदी घरोबा होता. त्यांनी माझ्या लग्नाच्या वेळी लाडू वाटले होते. त्यांनी मला आग्रह केला होता की तुमचे लग्न आमच्याकडे कोपरगावला करा. ते हसतमुख व्यक्तिमत्त्व होते. त्यांच्या विषयी आमच्या मनात आदर होता. सुरवातीला त्यांंनी सिंह चिन्ह घेऊन निवडणूक लढविली. ते सिंहा सारखे व्यक्तिमत्त्व होते. शंकरराव कोल्हे होतं त्यांचं नाव अन् त्यांचं होत कोपरगाव, अशी रामदास आठवले यांनी कविताही केली.

शंकरराव कोल्हे यांच्या निधनामुळे विविध राजकीय नेते कोल्हे कुटुंबियांचे सांत्वन करण्यासाठी येत आहेत. रामदास आठवले यांचा हा एकाच महिन्यातील तिसरा दौरा आहे. त्यामुळे रामदास आठवले शिर्डी मतदार संघात पुन्हा सक्रिय होत असल्याची चर्चा सुरू आहे.