Supriya Sule : 'राज्यातील काँग्रेसचा आमच्यावर राग', सुप्रिया सुळेंनी स्पष्टचं सांगितलं,' आम्ही देशात सोबतच...'

Supriya Sule News : राष्ट्रवादी काँग्रेस शरदचंद्र पवार पक्ष एनडीएसोबत जाण्याची भीती काँग्रेस नेते पृथ्वीराज चव्हाण यांनी केली होती. शरद पवार हे विचारांनी डावीकडे झुकलेले नेते आहेत. फुले-शाहू-आंबेडकर यांच्या विचारांवर त्यांचा विश्वास आहे. त्यांनी मनुस्मृती माननाऱ्या लोकांबरोबर जाऊ नये, असे वक्तव्य त्यांनी केले होते. त्यांच्या या वक्तव्यानंतर कोल्हापूर दौऱ्यावर असलेल्या खासदार सुप्रिया सुळेंनी नाराजी व्यक्त केली.

माजी मुख्यमंत्री पृथ्वीराज चव्हाण यांच्या वक्तव्यावर बोलताना त्या म्हणाल्या, राज्यातील काँग्रेसच काय मला माहीत नाही. देशाच्या काँग्रेस सोबत मी नेहमी चर्चा करते.पॉलिसी लेव्हलला आम्ही देशात काँग्रेस सोबतच आहोत.

'महाराष्ट्र काँग्रेसचा राष्ट्रवादी काँग्रेस शरदचंद्र पवार पक्षावर काय राग आहे मला माहीत नाही? राज्यातील काँग्रेस नाराज का आहे हे त्यांनाच माहीत. संसदेत मतदान झाले त्यावेळी आमचे खासदार काँग्रेस सोबतच होते. काँग्रेसमधील काही लोकांशी आम्ही नेहमी चर्चा करतो, जे नाराज असतील त्या बद्दल त्यांच्या वरिष्ठांना माहिती असेल.', असे देखील त्यांनी सांगितले.

पुण्याच्या प्रश्नावर बोलताना त्या म्हणाल्या, पुण्याची वेगळी ओळख आहे. मात्र देशात क्राईममध्ये 5 नंबरला गेले आहे.अमित शहा यांच्या गृह मंत्रालयाचा हा रिपोर्ट आहे.पुण्याची गुन्हेगारी प्रचंड वाढली आहे.या पुण्याची आणि पर्यायाने महाराष्ट्राची बदनामी होत आहे. पुण्याच्या चाकण एमआयडीसी मधील गुहेगरीची आकडेवारी भारत सरकारने दिलेली आहे. मुख्यमंत्र्यांनी स्पष्टीकरण दिलं असलं तरी काही विषयात राजकारण बाजूला ठेऊन पुढे जाऊया. बाकीच्या राज्यात गुंतवणूक वाढत आहे.महाराष्ट्र मध्ये अस का होत नाही. असा सवाल देखील त्यांनी उपस्थित केला.

राहुल गांधींच्या पुण्यातील कार्यक्रमावरून त्यांच्यावर भाजपमधील नेते टीका करते होते. त्यावर बोलताना सुप्रिया सुळे म्हणाल्या की, ज्यांची गल्ली पासून दिल्ली पर्यंत सत्ता आहे. त्यांना राहुल गांधी पुण्यात आले याच वाईट का वाटावं? गल्ली पासून दिल्ली पर्यंत सत्ता असणाऱ्यांना रस्त्यावर उतरून मारामाऱ्या कराव्या लागतात, हे धक्कादायक आहे.

परीक्षाचा तणाव नवीन पिढीवर आहे.तंत्रज्ञान येऊन सुधा डेटा लिक कसा होतात. आयएएसचे पेपर कसे लीक होत नाहीत? दाल मे कुछ तो काला है. ही परीक्षेची प्रक्रिया पारदर्शी व्हावी, यासाठी राहुल गांधी प्रयत्न करत असतील तर आपण त्यांना साथ दिली पाहिजे.राहुल गांधी नव्या पिढीशी चर्चा करत असतील तर त्यांचं स्वागतचं केल पाहिजे, असे देखील त्यांनी सांगितले.

काँग्रेसचा स्वबळाचा नारा

पुणे महापालिका, जिल्हा परिषद निवडणुकीत दोन्ही राष्ट्रवादी एकत्र लढले होते. यावर काँग्रेसची नाराजी आहे. याचमुळे पुण्यात हर्षवर्धन सपकाळ आले होते तेव्हा त्यांच्यासमोर काँग्रेसने स्वबळावर लढायला पाहिजे, राष्ट्रवादी काँग्रेस शरदचंद्र पवार पक्षाच्या भुमिकांमुळे आपल्याला फटका बसतोय अशी मागणी कार्यकर्त्यांकडून केली होती.