Satara News : ही तर सत्तेच्या भांगेची नशा.. सदाभाऊ, शंभूराज देसाई भिडले....

Satara News : सत्तेची भांग पिल्यावर अंगात आल्यासारखा माणुस डुलायला आणि नाचायला लागतो, अशी टीका सदाभाऊ खोत यांनी पालकमंत्री शंभूराज देसाई यांच्यावर केली. तर, सदाभाऊ खोत हेच भांग पीत असतील यामुळेच त्यांनी नशेत असं वक्तव्य केलं असेल, असे प्रतिउत्तर मंत्री शंभूराज देसाई यांनी श्री. खोत यांना दिले.

पालकमंत्री शंभूराज देसाई Shambhuraj Desai यांच्यावर रयत क्रांती संघटनेच्या आंदोलनाच्या सांगता सभेत सदाभाऊ खोत Sadabhau Khot यांनी जोरदार टीका केली होती. सातारा जिल्ह्याचा पालकमंत्री कोण आहे हेच माहित नाही. तो भाग्यवान माणुस कोण आहे, हे सुद्धा माहित नाही.

शेतक-यांचा मोर्चा निघाला मात्र पालकमंत्री यांनी साधा एक‌ फोन केला नाही ना आम्हाला पिण्याच्या पाण्याचा टँकर मिळाला नाही, ना एक ॲब्युलन्स सुद्धा दिली नाही, याची नाराजी माझ्या मनात असल्याची भावना मंत्री अतुल सावे यांच्यासमोर सदाभाऊ खोत यांनी बोलुन दाखवली.

तसेच सत्तेची भांग पिल्यावर अंगात आल्यासारखी माणसं डुलायला आणि नाचायला लागतो मात्र नशा उतरल्यावर सगळं गेलेलं असेल अशी जहरी टीका सुद्धा शंभूराज देसाई यांच नाव न घेता सदाभाऊ खोत यांनी केली होती.