Sangali News: उरण ईश्वरपूर नगरपालिकेतील इतिहासातील राजकारण पाहता कोणत्याही क्षणी दगा फटका होऊ शकतो. याचा अंदाज घेत माजी मंत्री जयंत पाटील यांनी खबरदारी घेतली आहे.
स्वकीयांकडूनच दगाबाजी होण्याची शक्यता नाकारता येत नाही. या पार्श्वभूमीवर पक्षातील कारभाऱ्यांवर विशेष लक्ष केंद्रीत केले आहे. महायुती विरोधात लढत असताना जयंत पाटलांसाठी ही निवडणूक प्रतिष्ठेची बनली आहे. त्यांच्या विरोधात मुख्यमंत्री देवेंद्र फडणवीस, उच्च शिक्षण मंत्री चंद्रकांत पाटील यांनीच लक्ष घातल्याने काही फुटीर कार्यकर्त्यांवर करडी नजर ठेवली आहे.
मागील नगरपालिकेच्या निवडणुकीत लोकनियुक्त नगराध्यक्ष पदासाठी राष्ट्रवादी एकत्र असताना त्यावेळी दिवंगत विजयभाऊ पाटील यांना उमेदवारी दिली होती. तर त्यांच्या विरोधात निशिकांत पाटील हे नगराध्यक्ष पदाची उमेदवार होते. रात्र गाफील असलेल्या जयंत पाटील यांना जवळच्याच कार्यकर्त्यांनी धोका दिला. विजयभाऊ पाटील यांच्या बाबत अंतर्गत नाराजी असल्याने निशिकांत पाटील हे नगराध्यक्ष पदावर विजयी झाले होते. मात्र यंदाच्या निवडणुकीत ही चूक होऊ नये यासाठी जयंत पाटील आतापासूनच अलर्ट मोडवर आहेत.
मतदारसंघातील प्रत्येक प्रभागात संपर्क ठेवण्याचा प्रयत्न जयंत पाटील यांच्याकडून सुरू आहे. कारण त्यांच्या सभोवती असणाऱ्या काही कार्यकर्त्यांकडून दगा फटका होणार नाही, याची काळजी घेतली जात आहे. कारण जयंत पाटील यांच्याच कार्यकर्त्यांमध्ये अंतर्गत संघर्ष काही प्रभागांमध्ये आहे. त्यामुळे विरोधकांना त्याचा फायदा होणार नाही, याची काळजी घेतली जात आहे. अंतर्गत वाद असणाऱ्या कार्यकर्त्यांना हेरण्याची रणनीती महायुतीकडून आखली जात आहे. शिवाय जयंत पाटील यांच्या अत्यंत निकटवर्तीय असणाऱ्या उमेदवारांचा भाऊ करण्यासाठी काही कार्यकर्ते सक्रिय झाल्याची चर्चा सुरू आहे.
जयंत पाटील यांनी प्रत्येक प्रभागात विशेष लक्ष घालत योग्य तो उमेदवार त्या ठिकाणी दिला आहे. अशा परिस्थितीत शेवटच्या क्षणी वरिष्ठ स्तरावरून प्रयत्न होण्याची शक्यता आहे. शिवाय या नगरपालिकेतील नगराध्यक्ष पदाचा उमेदवार भाजपकडे राहण्यासाठी फिल्डिंग लावली जात आहे. येत्या दोन दिवसात मुख्यमंत्री देवेंद्र फडणवीस, सांगली जिल्ह्याचे पालकमंत्री चंद्रकांत पाटील यांचा या नगरपालिकेसाठी कार्यक्रम बाहेर होणार आहे. या पार्श्वभूमीवर जयंत पाटील यांच्या गोठात सतर्कता बाळगण्यात येत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.