Raj Thackeray Meet Devendra Fadnavis : फडणवीसांच्या भेटीनंतर 'ठाकरी बाणा' कायम; अर्बन नक्षल अन् गौतम अदानी, ट्रॅफिकचा विषय छेडत राज ठाकरेंनी धु धू धुतले!

Raj Thackeray News : राज ठाकरे यांनी आज सकाळी मुख्यमंत्री देवेंद्र फडणवीस यांची भेट घेतली. काल (बुधवारी) बेस्टचा निकाल लागला. त्यामध्ये ठाकरे बंधुंच्या युतीला पराभव स्वीकारावा लागला. त्यामुळे या भेटीची राजकीय चर्चा सुरू होती. मात्र, राज ठाकरेंनी स्वतः या भेटी मागचे कारण सांगितले. तसेच सरकारवर टीका केली.

राज ठाकरे म्हणाले, टाऊन प्लॅनिंगसाठी मी मुख्यमंत्र्यांची भेट घेतली. वाहतुकीच्या समस्येबाबत मी त्यांना छोटासा आरखडा दिला. गेले काही महिने मुख्यमंत्र्यांशी महत्त्वाच्या विषयांवर बोलत होतो.त्यांच्याशी टाऊन प्लॅनिंगसंदर्भात काही महत्वाच्या मुद्यावर चर्चा केली. शहरातील पार्किंग समस्या कशी सोडवता येईल या संदर्भात आराखडा दिला.

पार्किंग समस्या कशी सोडवता येईल हे सांगताना राज ठाकरे म्हणाले, 'ज्यांना गाड्याची लायसन्स देताय त्यांना शिकवलं जात नाही कुठे गाडी पार्क करायची, कसं वागायचं. त्यांना कुठल्याही प्रकारचा दंड नसल्यामुळे किंवा कोणत्याही प्रकारची भीती नाही. नको तेथे भीती दाखवतात, अर्बन नक्षलपेक्षा इथे शिस्त लावा. इथे गरजेचे आहे.' असा टोला राज ठाकरेंनी सरकारला लगावला.

'ज्या प्रकारे जमिनी गौतम अदानीच्या घशात घातल्या जात आहेत. काय होणार आहे त्या धरावीमध्ये मला सांगा? कुठेचे रस्ते होणार आहेत? असा सवाल देखील त्यांनी उपस्थित केला.

'रोज या शहरात माणसं आदळ आहेत मात्र रस्ते मोठे होत नाहीत इमारती होतायेत. माणसं येणारी थांबवली पाहिजेत. बाहेरच्या राज्यातील शहर डेव्हलट करणं गरजेचं आहे. समस्यांकडे कोणाचेही लक्ष नाही. लोकांना गाड्या पार्क करण्यासाठी पार्किंग लाॅट उभे करायला पाहिजेत. या प्रकारची शिस्त लावणे गरजेचे आहे. बाहेरच्या राज्यातून लोक आले आहेत. त्यांना माहितीच नाही की या शहरात काय प्रकारची पार्किंग आहे. त्या दृष्टिकोनातून मी ट्रॅफिकचा आराखडा मुख्यमंत्र्यांना दिला.'