Raj Thackeray News : महाराष्ट्र नवनिर्माण सेनेचे प्रमुख राज ठाकरे यांच्या मुंबईत आज (गुरुवार) दोन जाहीर सभा झाल्या. पहिली सभा घाटकोपरमध्ये झाल्यानंतर राज ठाकरेंनी मनसेचे वरळी मतदारसंघातील उमेदवार संदीप देशपांडे यांच्यासाठी जाहीर सभा घेतली. वरळीमध्ये आदित्य ठाकरे यांच्या विरोधात संदीप देशपांडे लढत आहेत. त्यामुळे राज काय बोलणार याकडे लक्ष होते.
वरळीतील आपल्या 40 मिनिटांच्या भाषणात राज यांनी एकदाही आदित्य ठाकरेंवर टीका केली नाही किंवा त्यांचे साधे नाव देखील घेतले नाही.
आदित्य ठाकरेंचा उल्लेख आपल्या भाषणात न करणाऱ्या राज यांनी उद्धव ठाकरेंचा उल्लेख फक्त दोनदा आपल्या भाषणात केला. उद्धव ठाकरे यांचे सरकार आल्यानंतर पहिले काय झाले असेल तर त्यांनी बाळासाहेब ठाकरेंच्या नावा पुढील हिंदुहृदयसम्राट उल्लेख काढला, असे राज ठाकरे म्हणाले.
हा देश सर्वांचा आहे हे मला मान्य आहे. पण या देशात कोणी कुठेही जाऊ शकते हे मला मान्य नाही.कारण या देशाचा कायदा आहे की तुम्हांला एका शहरात जायचं आहे तर पोलिसांना आधी सांगाव लागतं. की मी इकडे राहतो इकडे माझ काम आहे पण सगळे कायदे धाब्यावर बसवले जात आहे, असे राज ठाकरे म्हणाले.
माहीम मतदारसंघामध्ये राज ठाकरे यांचे पुत्र अमित ठाकरे निवडणूक लढवत आहेत. शिवसेना उद्धव बाळासाहेब ठाकरे पक्षाकडून महेश सावंत उमेदवार आहेत. मात्र, माहीम मतदारसंघामध्ये आपण सभा घेणार नसल्याचे उद्धव ठाकरे यांनी जाहीर केले. माहीम हा शिवसेचा आपला बालेकिल्ला असल्याने तेथे सभा घेणार नसल्याचे उद्धव ठाकरे म्हणाले.
राज ठाकरे यांनी आपल्या भाषणात म्हणाले, माझा पोलिसांवर मला 100 % विश्वास आहे. सत्ता माझ्या हातात दिली ना तर या पोलिसांना 48 तास देईल की हा महाराष्ट्र साफ करून द्या. त्यांना सगळं माहीत आहे पण काही करत नाही.कारण यांनी काही केल तर बळी यांचा जाईल. का तर योग्य भूमिका घेत होते म्हणून.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.