Chandrakant Patil On Harshvardhan Patil : हर्षवर्धन पाटलांच हे योग्य नाही; चंद्रकांत पाटील असं का म्हणाले?

Mumbai News : माजी मंत्री हर्षवर्धन पाटील यांनी राष्ट्रवादी काँग्रेस पार्टी शरदचंद्र पवार पक्षा जाण्याच्या निर्णयानंतर इंदापूरमध्ये अनेक राजकीय उलथापालथी होऊ लागल्या आहेत. हर्षवर्धन पाटील यांच्या या निर्णयाचे धक्के भाजपला चांगलेच जाणवू लागलेत. यावर भाजप नेते मंत्री चंद्रकांत पाटील यांनी प्रतिक्रिया दिली आहे.

"दरवेळी प्रमाणे मी माझ्या लोकांना विचारून निर्णय घेतला, असं म्हणणं हर्षवर्धन पाटलांच योग्य नाही, शेवटी निर्णय आपण आपला करत असतो आणि लोकांना समजून सांगत असतो", असा टोला चंद्रकांत पाटील यांनी हर्षवर्धन पाटील यांना लगावला आहे.

माजी मंत्री हर्षवर्धन पाटील यांनी भाजपला राम राम करत आज शरद पवार (Sharad Pawar) यांच्या उपस्थित इंदापुरात जोरदार शक्तीप्रदर्शन करत राष्ट्रवादी काँग्रेस पार्टी शरदचंद्र पवार पक्षात प्रवेश केला. हर्षवर्धन पाटील यांच्या या पक्षप्रवेशाचे हादरे भाजपला बसलेत. भाजप नेते मंत्री चंद्रकांत पाटील यांनी यावर प्रतिक्रिया दिली आहे.

भाजप (BJP) नेते चंद्रकांत पाटील म्हणाले, "हर्षवर्धनजी आणि आमच्या काही राग नाही, हर्षवर्धन पाटील यांना पक्षाने खूप काही दिलं. अमित भाईंनी आणि देवेंद्र फडणसांनी देखील खूप प्रेम केलं. पण काही विधानं करणं चुकीचं आहे". दरवेळीप्रमाणे मी माझ्या लोकांना विचारून निर्णय घेतला, असं म्हणणं हर्षवर्धन पाटलांच म्हणणं योग्य नाही. शेवटी निर्णय आपण आपला घेत असतो. त्यानंतर लोकांना समजावून सांगत असतो, असा टोला चंद्रकांत पाटील यांनी हर्षवर्धन पाटलांना लगावला आहे.

चंद्रकांत पाटील यांनी राजकारण्यामधील महत्त्वाकांक्षेवर बोट ठेवत हर्षवर्धन पाटील यांच्यावर निशाणा साधला. 'राजकारणामध्ये महत्त्वकांक्षा ही नात्यांच्यावर तत्त्वांच्यावर जात आहे, तो आम्हाला अनुभव नाही. आमचं जीणं, मरणं इथंच आहे. ज्यांचा फार मोठा संस्थांचा व्याप असतो, त्यांना आमदार किंवा खासदारकीशिवाय जगणं अशक्य असतं', असा टोला देखील चंद्रकांत पाटील यांनी लगावला.