Salary And Pension: खूशखबर! सरकारी कर्मचाऱ्यांचा पगार अन् पेन्शन उद्या खात्यात होणार जमा! अजित पवारांची घोषणा

Salary And Pension: महिना अखेरीस गणेशोत्सव तोंडावर आलेला असताना सरकारनं सरकारी कर्मचाऱ्यांन आणि पेन्शनधारकांना मोठा दिलासा दिला आहे. गणेशोत्सवानिमित्त सरकारी कर्मचाऱ्यांचा पगार आणि पेन्शन उद्या त्यांच्या बँक खात्यात जमा करण्यात येणार आहे, अशी घोषणा उपमुख्यमंत्री आणि अर्थमंत्री अजित पवार यांनी पत्रकार परिषदेत केली.

काय म्हणाले अजित पवार?

27 ऑगस्टला संपूर्ण महाराष्ट्रात गणरायाचं आगमन होत आहे. पण सरकारी कर्मचाऱ्याचं वेतन आणि पेन्शन हे दर महिन्याला १ तारखेला होत असतं. पण यावेळी आम्ही गणेशोत्सवापूर्वीच म्हणजेच उद्याच सरकारी कर्मचाऱ्यांचं वेतन आणि पेन्शन देण्याबाबतचा जीआर वित्त विभागानं काढलेला आहे. या फायदा महाराष्ट्रातील तमाम सरकारी कर्मचाऱ्यांना होणार आहे.

खासगी कर्मचाऱ्यांचं वेतन कधी?

दरम्यान, अजित पवारांनी आपल्या ट्विटरवरुन या घोषणेचा व्हिडिओ शेअर केला आहे. या व्हिडिओवर मोठ्या प्रमाणावर युजर्सनं कमेंट्स केल्या आहेत. यामध्ये गणेशोत्सवाच्या पार्श्वभूमीवर खासगी आणि कंत्राटी कामगारांचे वेतनही या महिन्यात गणेशोत्सवाला सुरुवात होण्याआधीच करण्यात यावेत, याबाबतही सरकारनं काही निर्णय घ्यावा. ज्यामुळं सरकारी कर्मचाऱ्यांप्रमाणेच खासगी कर्मचाऱ्यांना देखील गणेशोत्सव उत्साहात साजरा करता येईल.