शिवसेनेनं पुण्यातील घायवळ प्रकरणात मंत्री योगेश कदम यांच्या हकालपट्टीची मागणी केली आहे.
मुख्यमंत्री फडणवीस यांनी जर कारवाई केली नाही तर शिवसेनेनं न्यायालय व लोकायुक्तांकडे जाण्याचा इशारा दिला आहे.
या प्रकरणामुळे सरकार आणि शिवसेना यांच्यातील राजकीय संघर्ष तीव्र होण्याची शक्यता आहे.
Mumbai Political News : महाराष्ट्र राज्याला नेहमी कलंकित करणारे गृहराज्यमंत्री महसूल राज्यमंत्री योगेश कदम यांचे अनेक प्रकरणे आपण सरकारसह महाराष्ट्राच्या जनतेसमोर विधानसभेच्या माध्यमातून विधान परिषदेच्या माध्यमातून ठेवल्याचे बोलत अनिल परब यांनी हल्लाबोल केला.
परब यांनी कदम यांना घेरताना त्यांचा पुण्यातील घायवळ प्रकरणाशी संबंध असल्याचे ठाम सांगत जोरदार टीका केली. तसेच या प्रकरणात नाव समोर आल्यानंतर आपण राज्याचे मुख्यमंत्री देवेंद्र फडणवीस यांना शेवटची संधी देत असून त्यांनी कदम यांची हकालपट्टी करावी अन्यथा कथित गैरव्यवहारांविरोधात लोकायुक्तांकडे जाण्यासह आंदोलनाचा पर्याय नसल्याचा इशारा दिला आहे.
अनिल परब यांनी मुंबईत योगेश कदम यांच्या कथित गैरव्यवहारांविरोधात आज पत्रकार परिषद घेतली. या पत्रकार परिषदेत परब यांनी योगेश कदम यांच्याविरोधात जोरदार टीका केली. यावेळी त्यांनी सध्या गाजत असणाऱ्या गँगस्टर निलेश घायवळ याच्या भाऊ सचिन घायवळ याला देण्यात आलेल्या शस्त्र परवान्यावरून भाष्य केलं. यावेळी त्यांनी कदम यांनी पोलिस आयुक्तांना घायवळ यास शस्त्रपरवाना नाकारला असतानाही तो कदम यांनीच दिला असे म्हणत त्यांनी पोलिसांचे खच्चीकरण केल्याचा आरोप केला.
परब यांनी, यावेळी थेट राज्याचे मुख्यमंत्री देवेंद्र फडणवीस यांच्यावर देखील रोष व्यक्त करत टीका केली. त्यांनी, मुख्यमंत्र्यांची नेमकी अडचण काय आहे. मला ते माहित नाही. पण मुख्यमंत्र्यांनी त्याला प्रत्येक वेळेला पाठीशी घातलं बरोबर नाही, असे होत असेल तर महाराष्ट्राच्या जनतेला हा संदेश दिला जातोय की मंत्र्यांनी काही केलं तरी चालतं.
मुख्यमंत्री त्याला पाठिशी घालतात, उपमुख्यमंत्री एकनाथ शिंदे त्यांच्या सभेत जाऊन त्यांना पाठिंबा असल्याचे सांगतात. त्यामुळेच आता त्यांना आता आपण वाटलं ते केलं तरी चालते असे वाटतं आहे. याच व्यवस्थेमुळे आता गँगवार फोफावत आहे.
पण आता माझे मुख्यमंत्र्यांना एकच सांगणं आहे की, अशा लोकांना तुम्ही किती दिवस वाचवणार आहात? जे आईच्या नावाने डान्सबार चालवतात. मुली नाचवून जे लोक दलालीचं काम करतात. गँगस्टर लोकांना पोसण्याचं काम करतात. गँगस्टर लोकांना अधिकृत शस्त्र परवाने देतात, अशांच्या मांडीला मांडी मुख्यमंत्री का बसत आहेत. त्यांची कोणती अडचण आहे हे समजत नाहीये? असा सवाल अनिल परब यांनी केला.
त्यांनी गृहराज्यमंत्र्यांनी जो काही राज्यात थैमान घातला आहेत. त्यानंतर आता या प्रकरणावर कारवाई व्हायला हवी, ती नाही झाली तर शिवसेनेला रस्त्यावर उतरावे लागेल. मी आता मुख्यमंत्र्यांना शेवटची संधी देत असून त्यांनी निवेदन देणार आहे.
त्यांनी योगेश कदमांची हकालपट्टी करावी. अन्यथा अधिवेशनात आवाज उठवूच तसेच रस्त्यावर उतरू असा इशारा दिला आहे. तर कदमची हकालपट्टी केल्याशिवाय शिवसेना गप्प बसणार नाही, असा दावाही परब यांनी केला आहे.
त्यांचे वाळूचे प्रकरणासह आता हे ही प्रकरण आपण लोकायुक्तांच्या समोर घेवून जावू. न्यायालयातही जाणार पण त्याच्याआधी पुन्हा एकदा मुख्यमंत्री फडणवीस यांनी याची दखल घ्यावी, त्यांना एक संधी देत आहे. त्यांनी आपली चूक दुरूस्ती करावी. अन्यथा माझ्याकडे दुसरा पर्याय नाही, असेही परब यांनी म्हटलं आहे.
प्र.1: शिवसेनेनं कोणती मागणी केली आहे?
👉 मंत्री योगेश कदम यांची हकालपट्टी करावी, अशी मागणी केली आहे.
प्र.2: हे प्रकरण कोणत्या विषयावर आहे?
👉 पुण्यातील घायवळ शस्त्र परवाना प्रकरणावर हे वाद उद्भवले आहे.
प्र.3: मुख्यमंत्री देवेंद्र फडणवीस यांच्याकडे काय अपेक्षा व्यक्त केली आहे?
👉 त्यांनी तात्काळ कारवाई करून चूक दुरुस्त करावी, असा इशारा दिला आहे.
प्र.4: शिवसेनेनं कोणत्या पातळीवर जाण्याचा इशारा दिला आहे?
👉 न्यायालय आणि लोकायुक्तांकडे जाण्याची धमकी दिली आहे.
प्र.5: या प्रकरणामुळे काय परिणाम होऊ शकतो?
👉 शिंदे-फडणवीस सरकारवर दबाव वाढेल आणि राजकीय वातावरण आणखी तापेल.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.