Suresh Dhas Video : सुरेश धसांनी स्पष्टच सांगितलं, 'मी धनंजय मुंडेंचा राजीनामा मागणार नाही...'

Suresh Dhas News : आमदार सुरेश धस यांनी संतोष देशमुख प्रकरणानंतर छोटा, मोठा आका म्हणत वाल्मिक कराड, धनंजय मुंडे यांना टार्गेट केले आहे. सुरेस धस यांनी विधानसभेच्या हिवाळी अधिवेशनात मुंडे कृषीमंत्री असताना पीकविम्यामध्ये कोट्यावधीचा खोटाळा झाल्याचा आरोप केला.

'साम टिव्ही'शी बोलताना सुरेश धस यांनी पीकविम्यात कोट्यावधीचा खोटाळा झाल्याचे सांगताना या प्रकरणात धनंजय मुंडे यांचा राजीनामा मागणार नसल्याचे स्पष्ट केले.

सुरेश धस म्हणाले, मी राजीनाम्याची मागणी करणार नाही. राजीनाम्याची मागणी करून ते देणार आहेत का? लालबाहदूर शास्त्री कोणी राहिले आहे का या देशात आत्ता? त्यांची इन्व्हाॅलमेंट दिसली तर मी राजीनाम्याची मागणी करणार.

छोटा आका आणि मोठा आका म्हणत टीका करणाऱ्या सुरेश धस यांनी मोठा आका म्हणत थेट धनंजय मुंडेंचे नाव घेतले. वाल्मिक कराड यांच्यात आणि इन्शुरन्सवाले बाळासाहेब इनकर यांच्यात शा‍ब्दिक वाद झाले. मात्र, नंतर छोट्या आका आणि मोठ्या आकाबरोबर त्यांच्या बैठका झाल्या आहेत. या बैठकांची चौकशी करावी. तब्बल 1000 हजार कोटीचा पीकविमा घोटाळा झाला आहे. या घोटाळ्याच्या चौकशीसाठी 2020 पर्यंत मागे जावे लागेल, असे धस म्हणाले

धनंजय मुंडेंनी पालकमंत्रिपद भाड्याने दिलं

महाविकास आघाडी सरकारच्या काळात धनंजय मुंडे हे मंत्री झाले त्यांना बीडचे पालकमंत्री पद मिळाले. पण त्यांना वेळ नव्हता की काय माहित नाही. पण सगळा कारभार वाल्मिक कराडच्या हातात गेला. मुंडेंसोबस त्यांच्यात काय बोलणं होतं माहित नाही. साधा नगराध्यक्षपदावर गेलेल्या व्यक्तीच्या हातात मुंडेंनी हे सगळे सोपवलं. मग त्यांनी हम करे को कायदा असे ते वागले. पुन्हा महायुतीचे सरकारमध्ये देखील धनंजय मुंडे आले. त्यांना पुन्हा बीडचे पालकमंत्रिपद देण्यात आले. धनंजय मुंडेंनी मंत्रिपद, पालकमंत्रिपद वाल्मिक कराडकडे भाड्याने दिले.