shivsena UBT news : ठाकरे ओमराजेंना मोठा धक्का देण्याच्या तयारीत; धाराशिवमधील 'त्या' नेत्यांना मातोश्रीवर बोलावले

Mumabi News : उद्धव ठाकरे यांच्या शिवसेनेचे धाराशिवचे खासदार ओम राजेनिंबाळकर हे बंडखोरी करणार हे जवळपास निश्चित झाले आहे. काही तांत्रिक अडचणीमुळे फुटलेले हे सहा खासदार एकनाथ शिंदे यांच्या शिवसेनेच्या वर्धापनदिनी 19 जूनला शिवसेनेत प्रवेश करणार नाहीत. तर दुसरीकडे डॅमेज कंट्रोल रोखण्यासाठी उद्धव ठाकरे पुन्हा सरसावले आहेत. त्यामुळेच शनिवारी 20 जूनला धाराशिव मतदारसंघातील प्रमुख पदाधिकाऱ्यांची बैठक बोलावली आहे.

या बैठकीला आमदार कैलास पाटील, आमदार प्रवीण स्वामी, जिल्हाप्रमुख, संपर्कप्रमुख यांची बैठक बोलावली आहे. त्यामुळे या बैठकीत पक्षप्रमुख उद्धव ठाकरे काय सूचना देतात त्यानुसार पुढील रणनीती काय असणार याकडे सर्वांचे लक्ष लागले आहे.

धाराशिवचे खासदार ओमराजे निंबाळकर उद्धव ठाकरे यांची साथ सोडणार हे निश्चित मानले जात आहे. त्यामुळे आता मतदारसंघातील पक्षबांधणीसाठी रणनीती आखण्यासाठी धाराशिव जिल्ह्यातील नेत्यांची बैठक बोलावली आहे. त्यामध्ये उद्धव ठाकरे मार्गदर्शन करणार आहेत. त्यामुळे पक्षप्रमुख उद्धव ठाकरे हे काय सूचना देतात त्यानुसार पुढील रणनीती असणार का? याकडे लक्ष लागले आहे.

उद्धव ठाकरे यांनी डॅमेज कंट्रोल रोखण्यासाठी पावले उचलण्यास सुरुवात केली आहे. त्यामुळे मातोश्रीवर शनिवारी धाराशिव लोकसभा मतदारसंघातील प्रमुख पदाधिकाऱ्यांची बैठक बोलावली आहे. या बैठकीस धाराशिव मतदारसंघातील सर्वच पदाधिकारी या बैठकीस उपस्थित राहणार आहेत. या बैठकीत संघटनात्मकदृष्ट्या काय बदल करण्यात येणार याकडे सर्वांचे लक्ष लागले आहे.

दरम्यान, आमदार कैलास पाटील यांनी खासदार ओमराजे निंबाळकर यांच्याशी अजूनही माझा संपर्क झाला नसल्याचे स्पष्ट केले आहे. दुसरीकडे उद्धव ठाकरे व यांच्या शिवसेनेचा वर्धापन दिनाच्या कार्यक्रमाला मी जात आहे, प्रमुख पदाधिकारी आम्ही जात असतो, असे त्यांनी स्पष्ट केले. त्यासोबतच शनिवारी मुंबईत आमदार, जिल्हाप्रमुख , संपर्कप्रमुख यांची बैठक बोलावली आहे. पक्षप्रमुख काय सूचना देतात त्यानुसार पुढील रणनीती असणार, असेही कैलास पाटील म्हणाले.