Police transfer; अंकुश शिंदे नाशिकचे नवे पोलिस आयुक्त, सुनील फुलारी नवे आयजी

नाशिक : पिंपरी चिंचवडचे (Pune) पोलिस आयुक्त अंकुश शिंदे (Ankush Shinde) हे नाशिकचे नवीन पोलिस आयुक्त (Police) म्हणून रूजू होणार आहेत तर नाशिक परिक्षेत्राचे विशेष पोलिस महानिरीक्षक बी. जी. शेखर (B. G. Shekhar) यांचीही बदली झाली असून त्यांच्या जागी सुनील फुलारी (Sunil Phulari) यांची नियुक्ती करण्यात आलेली आहे. (Police officers transfers in Maharashtra state)

राज्य शासनाच्या गृह विभागामार्फत मंगळवारी रात्री महाराष्ट्र पोलिस दलातील वरिष्ठ पोलिस अधिकाऱ्यांच्या बदल्या करण्यात आल्या, यामध्ये नाशिकचे पोलिस आयुक्त जयंत नाईक नवरे यांची बदली करण्यात आली आहे. त्यांच्या जागी पिंपरी चिंचवडचे पोलिस आयुक्त अंकुश शिंदे यांची नियुक्ती करण्यात आली आहे. नाशिक परिक्षेत्राचे विशेष पोलिस महानिरीक्षक बी. जी. शेखर यांचीही बदली करण्यात आली आहे. सुनील फुलारी हे नाशिक परिक्षेत्राचे नवनियुक्त विशेष पोलिस महानिरीक्षक असतील. या बदल्या राज्याचे सहसचिव वेंकटेश भट यांच्या आदेशाने करण्यात आल्या आहेत.

शिंदे होते ग्रामीणचे अधीक्षक

नवनियुक्त पोलिस आयुक्त अंकुश शिंदे यांच्यासाठी नाशिक शहर आणि जिल्हा नवीन नाही. २०१६-१७ मध्ये अंकुश शिंदे हे नाशिक ग्रामीणचे पोलिस अधीक्षक होते. येथूनच त्यांची पोलिस उप महानिरीक्षक म्हणून पदोन्नतीवर बदली झाली होती. श्री. शिंदे यांच्या कार्यकाळात अनेक महत्त्वपूर्ण गुन्ह्यांची उकल झाली होती.

फुलारी होते उपायुक्त

विशेष पोलिस महानिरीक्षक म्हणून रूजू होत असलेले सुनील फुलारी यांचाही नाशिकशी जवळचा संबंध राहिलेला आहे. फुलारी यांनीा २००७-०८ मध्ये नाशिक शहर पोलिस आयुक्तालयामध्ये उपायुक्त म्हणून कामगिरी बजावलेली आहे. कडक शिस्तीचे अधिकारी म्हणून त्यांची ख्याती आहे.