Jalgaon News : भारतीय जनता पक्षांकडून (BJP) आगामी लोकसभा व विधानसभा निवडणुकांसाठी जोरदार मोर्चेबांधणी आतापासूनच करण्यात येत आहे. लोकसभा मतदारसंघनिहाय निवडणूक प्रमुखांची निवड केल्यानंतर आता भाजपकडून जिल्हाध्यक्षांच्या नेमणूका करण्यात आल्या आहेत. राज्यातल्या विविध जिल्ह्यांसाठी जिल्हाध्यक्षांची नियुक्ती करण्यात येत आहे. यात विशेष म्हणजे जळगाव जिल्ह्यात तीन अध्यक्षांची निवड करण्यात आली आहे. (latest Marathi News)
भारतीय जनता पक्षाचे नव्याने जिल्ह्याध्यक्षांची नियुक्ती जाहीर झाले आहेत. त्यानुसार जळगाव ग्रामीण अध्यक्षपदी ज्ञानेश्वर जळकेकरमहाराज, रावेर ग्रामीण अध्यक्षपदी अमोल हरिभाऊ जावळे, तर जळगाव शहर अध्यक्षपदी नगरसेविका उज्वला किरण बेंडाळे यांची नियुक्ती करण्यात आली आहे.
भाजप तर्फे जिल्ह्यात यापूर्वी जळगाव ग्रामीण व जळगाव शहर असे दोन अध्यक्ष दिले होते. यात बदल करत आता तीन अध्यक्ष नेमण्यात आलेले आहेत. जळगांव व रावेर लोकसभा मतदारसंघनिहाय दोन अध्यक्ष देण्यात आले आहेत. तर शहरासाठी स्वतंत्र अध्यक्ष आहेत. जळगाव ग्रामीणसाठी ज्ञानेश्वर जळकेकर महाराज यांची नियुक्ती करण्यात आली आहे. यांची वक्तृत्वार चांगली पकड असून एकेकाळी ते शिवसेनेचा आक्रमक चेहरा होते. ते भाजपात गेल्या चार वर्षांपासून काम करत आहेत.
रावेर ग्रामीणचे अध्यक्ष अमोल हरिभाऊ जावळे हे पक्षाचे माजी जिल्हा अध्यक्ष, माजी खासदार (कै) हरिभाऊ जावळे यांचे पुत्र आहेत. तर जळगाव शहर अध्यक्ष उज्वला किरण बेंडाळे या भाजपच्या महापालिकेत नगरसेविका आहेत. शहराध्यक्षपदी पक्षाने प्रथमच महिलेला संधी दिली आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.