Sangamner Bazar Samiti Results: संगमनेर बाजार समितीत आजी-माजी महसूलमंत्र्यात प्रतिष्ठेची लढाई; कोण मारणार बाजी?

Sangamner : राज्यातील कृषी उत्पन्न बाजार समित्यांच्या निवडणुकीसाठी शुक्रवारी (दि.28 एप्रिल) मतदान प्रक्रिया पार पडली. त्यानंतर आता कृषी उत्पन्न बाजार समित्यांच्या निवडणुकीचे निकाल समोर येत आहेत. अहमदनगर जिल्ह्यातील संगमनेर कृषी उत्पन्न बाजार समितीच्या निवडणुकीची मतमोजणी सुरू आहे.

संगमनेर कृषी उत्पन्न बाजार समितीत बाळासाहेब थोरात यांच्या गटाने चार जागा जिंकल्या आहेत. तर महसूलमंत्री राधाकृष्ण विखे यांच्या गटाने अद्याप खातेही उघडले नाही. त्यामुळे या निवडणुकीकडे सर्वांचे लक्ष लागले आहे.

संगमनेर कृषी उत्पन्न बाजार समितीत बाळासाहेब थोरात यांच्या पॅनलमध्ये आणि राधाकृष्ण विखे पाटील यांच्या पॅनलमध्ये जोरदार चुरस होण्याची शक्यता आहे. मात्र, सध्या तरी येथे थोरात गट सर्व जागांवर आघाडीवर आहे. त्यामुळे संगमनेर कृषी उत्पन्न बाजार समितीत बाजी कोण मारणार? हे थोड्याच वेळात समोर येणार आहे.

दरम्यान, संगमनेर बाजार समितीत पहिल्या फेरीत काँग्रेस नेते बाळासाहेब थोरातांच्या पॅनलची आघाडी घेतली आहे. 18 पैकी 4 जागांचा निकाल जाहीर झाला असून 4 ही जागा महाविकास आघाडीला मिळाल्या आहेत. तर सध्या तरी राधाकृष्ण विखे पाटील यांचे पॅनल पिछाडीवर आहे.

Edited By- Ganesh Thombare