Congress : मोठी बातमी! काँग्रेसमधून सुधीर तांबे यांचे निलंबन

Congress : डॉ. सुधीर तांबे यांच्यावर काँग्रेस पक्षाकडून निलंबनाची कारवाई करण्यात आली आहे. काँग्रेस पक्षाच्या विरुद्ध भूमिका घेतल्यामुळे काँग्रेसकडून शिस्तभगांची कारवाई करण्यात आली असल्याचं सांगण्यात आलं आहे.

त्यामुळे आता राजकारण तापण्याची शक्यता आहे. सुधीर तांबेंची चौकशी होईपर्यंत त्यांचे निलंबन करण्यात आले असल्याची माहिती काँग्रेसच्या अधिकृत ट्विटरवरून देण्यात आली आहे.

डॉ. सुधीर तांबे यांची चौकशी पूर्ण होईपर्यंत तांबे यांना पक्षातून निलंबित करण्यात आलं आहे. त्यांच्या या चौकशीचे आदेश काँग्रेस (Congress) हायकमांडकडून देण्यात आले आहेत. त्यामुळे डॉ. सुधीर तांबे (Dr. Sudhir Tambe) यांच्या अडचणी वाढण्याची शक्यता आहे.

सुधीर तांबे यांची नाशिक पदवीधर मतदारसंघासाठी उमेदवारीची अधिकृत घोषणा झाली होती. मात्र, त्यानंतर देखील त्यांनी ऐनवेळी आपला उमेदवारी अर्ज भरला नाही. तर त्यांचे चिंरजीव सत्यजीत तांबे (Satyajit Tambe) यांनी आपला अपक्ष उमेदवारी अर्ज भरला. त्यामुळे काँग्रेसमध्ये खळबळ उडाली होती.

दरम्यान, या संपूर्ण प्रकरणाबाबत महाराष्ट्र काँग्रेसने दिल्लीतील काँग्रेसच्या वरीष्ठ नेत्यांना माहिती दिली. त्यानंतर काँग्रेसच्या हायकमांडने सुधीर तांबे यांना निलंबित करण्याचे आदेश दिले आहेत. या सर्व पार्श्वभूमीवर आता सुधीर तांबे काय भूमिका घेणार? हे पाहणं महत्वाचं असणार आहे.