BJP Angry on Eknath Shinde: भाजपचा संताप, प्रवेश करणाऱ्यांसाठी एकनाथ शिंदे यांनी राज्य शासनाची तिजोरी उघडली!

Shinde government accused of misuse: राज्यात महायुतीचे सरकार आहे. या सरकारचे नेतृत्व भाजपचे देवेंद्र फडणवीस यांच्याकडे आहे. मात्र सत्तेचा पुरेपूर लाभ उपमुख्यमंत्री एकनाथ शिंदे यांनी पक्ष विस्तारासाठी केला आहे. आता त्यावर भाजपमध्ये असंतोष वाढू लागला आहे.

नाशिक शहरात दोन दिवसांपूर्वी भारतीय जनता पक्षात अशोक मुर्तडक आणि नयना घोलप दोन माजी महापौर आणि माजी मंत्री बबन घोलप यांसह सात माजी नगरसेवकांनी प्रवेश केला. यातील सुधाकर बडगुजर यांचा प्रवेश वादग्रस्त ठरला आहे. भाजपच्याच नेत्यांनी त्याबाबत असंतोष प्रकट केला होता.

मात्र भाजपच्या प्रवेशावरून आता नवा विषय पुढे आला आहे. शिवसेना एकनाथ शिंदे पक्षात प्रवेश करणाऱ्या माजी नगरसेवकांना विकास निधी दिला जातो. यासाठी उपमुख्यमंत्री एकनाथ शिंदे आपला विशेष अधिकार वापरतात. त्यामुळेच शिवसेना एकनाथ शिंदे पक्षात शिवसेना उद्धव ठाकरे पक्षाचे अनेक नेते प्रवेश करीत असल्याचे चित्र आहे.

शिवसेना शिंदे पक्षात प्रवेश करणाऱ्या नेत्यांना विकास निधी मिळतो. भारतीय जनता पक्ष मात्र त्यापासून वंचित आहे. नेत्यांना किंवा माजी नगरसेवकांना हा लाभ मिळत नाही. त्यामुळे पक्षाच्या पदाधिकारी आणि प्रवेश करणाऱ्यांनी त्यांनी आपली खदखद व्यक्त केली आहे.

आगामी महापालिका निवडणुकीच्या पार्श्वभूमीवर सत्ताधारी पक्षांकडे विरोधी पक्षातील नेत्यांचा ओघ सुरू झाला आहे. प्रामुख्याने त्याला मिळणारा विकास निधी कारणीभूत आहे. उपमुख्यमंत्री एकनाथ शिंदे येणाऱ्या नेत्यांना निवडणुकीत भरपूर आर्थिक पाठबळ देतात याची चर्चा आहे.

राजकारण आणि त्यामागचे अर्थकारण अशाप्रकारे पुढे येऊ लागले आहे. भारतीय जनता पक्ष त्यामुळेच पुन्हा एकदा नाराजी व्यक्त होऊ लागली आहे. भाजपचे शहराध्यक्ष सुनील केदार यांनी याबाबत जाहीरपणे मतप्रदर्शन केले आहे. भारतीय जनता पक्षात प्रवेश केलेल्या नव्या नेत्यांना देखील विकास निधी मिळाला पाहिजे अशी त्यांची अपेक्षा आहे. पक्षाच्या नेत्यांनी याबाबत विचार करावा असे ते म्हणाले.

महापालिका आणि स्थानिक स्वराज्य संस्थांच्या निवडणुका येत्या काही दिवसात होतील. त्या पार्श्वभूमीवर महायुतीचे घटक असलेल्या या दोन्ही पक्षांनी पक्ष विस्तारावर प्रचंड भर दिला आहे. त्यासाठी सर्व फंडे वापरण्याचा त्यांचा प्रयत्न आहे. हे पारंपारिक राजकारणाला छेद देणारे पंडित आता महायुतीत वादाची ठिणगी पडण्यासाठी कारणीभूत ठरले आहेत.