Chhagan Bhujbal : छगन भुजबळ बरे झाले, ह्रदय शस्त्रक्रियेनंतर प्रथमच नाशिकमध्ये येणार; येताच करणार 'हे' पहिले महत्वाचे काम

Nashik Politics : राष्ट्रवादीचे नेते व राज्याचे अन्न व नागरी पुरवठा मंत्री छगन भुजबळ हे गेल्या काही दिवसांपासून आजारी होते. मध्यंतरी त्यांच्यावर ह्रदय शस्त्रक्रिया झाल्याने ते मुंबईत डॉक्टरांच्या सल्ल्याने उपचार घेत होते. त्यामुळे येवला नगरपालिका निवडणुकीतही त्यांना प्रत्यक्ष मैदानावर येऊन सहभाग घेता आला नाही. भुजबळांच्या अनुपस्थितीतच येवल्याची निवडणूक झाली. परंतु आता भुजबळांची प्रकृती उत्तम असून ते लवकरच नाशिकमध्ये येणार आहेत.

नगरपालिका निवडणुकीत राष्ट्रवादी कॉंग्रेसला मंत्री छगन भुजबळांची मोठी कमतरता जाणवली. त्यांच्या जागी माजी खासदार समीर भुजबळ यांनी पालिका निवडणुकीची धूरा आपल्या खांद्यावर घेतली. त्यात समीर भुजबळांना मोठं यशही आलं. येवल्यात राष्ट्रवादी व भाजप युतीचा नगराध्यक्ष झाला. येवल्याचा गड राखण्यात भुजबळ यशस्वी झाले. प्रचाराच्या अखेरच्या दिवशी भुजबळांनी हॉस्पिटलमधूनच ऑनलाइन येवलेकरांशी संवाद साधला होता. रुग्णालयात असतानाच त्यांनी मुख्यमंत्री फडणवीस यांना फोन करुन येवल्यात भाजप-राष्ट्रवादीची युती घडवून आणली. आजारी असतानाही भुजबळांनी हॉस्पिटलमधून निवडणुकीची रणनिती आखली होती.

आता शनिवार (दि. ३) जानेवारी क्रांतीज्योती सावित्रीबाई फुले यांच्या जयंतीच्या निमित्ताने अखिल भारतीय महात्मा फुले समता परिषदेच्या वतीने मुंबई नाका येथील स्मारकात अभिवादन सोहळ्याचे आयोजन करण्यात आले आहे. विशेष म्हणजे ह्रदय शस्त्रक्रिया झाल्यानंतर गेल्या दोन महिन्यांच्या कालावधीनंतर मंत्री छगन भुजबळ हे जयंती उत्सवाच्या निमित्ताने अभिवादन करण्यास या सोहळ्यास उपस्थित राहणार आहे. त्यांच्या या नाशिक दौऱ्यामुळे कार्यकर्त्यांमध्ये नवचैतन्य आणि सकारात्मक ऊर्जा संचारली आहे.

मंत्री भुजबळ हे नाशिकला जाण्यापूर्वी क्रांतीज्योती सावित्रीबाई फुले यांच्या जयंतीच्या निमित्ताने सावित्रीबाई फुले यांच्या नायगाव जि.सातारा या जन्मगावी होणाऱ्या जयंती उत्सव सोहळ्यास उपस्थित राहणार आहे. नायगाव येथील कार्यक्रम झाल्यानंतर ते दुपारी २ वाजता नाशिकच्या मुंबई नाका येथील स्मारकात उपस्थित राहून अभिवादन करणार आहे. यावेळी त्यांच्या समवेत माजी खासदार समीर भुजबळ,आमदार पंकज भुजबळ यांच्यासह अखिल भारतीय महात्मा फुले समता परिषद व राष्ट्रवादी कॉंग्रेस पार्टीचे प्रमुख नेते पदाधिकारी व कार्यकर्ते उपस्थित राहणार आहे.

मंत्री भुजबळ हे नाशिकला जाण्यापूर्वी क्रांतीज्योती सावित्रीबाई फुले यांच्या जयंतीच्या निमित्ताने सावित्रीबाई फुले यांच्या नायगाव जि.सातारा या जन्मगावी होणाऱ्या जयंती उत्सव सोहळ्यास उपस्थित राहणार आहे. नायगाव येथील कार्यक्रम झाल्यानंतर ते दुपारी २ वाजता नाशिकच्या मुंबई नाका येथील स्मारकात उपस्थित राहून अभिवादन करणार आहे. यावेळी त्यांच्या समवेत माजी खासदार समीर भुजबळ,आमदार पंकज भुजबळ यांच्यासह अखिल भारतीय महात्मा फुले समता परिषद व राष्ट्रवादी कॉंग्रेस पार्टीचे प्रमुख नेते पदाधिकारी व कार्यकर्ते उपस्थित राहणार आहे.

शस्त्रक्रियेनंतर प्रथमच जनतेत येत असल्याने, हा दौरा पदाधिकारी, कार्यकर्ते व हितचिंतकासाठी भावनिकदृष्ट्या अत्यंत महत्त्वाचा ठरणार आहे. नाशिक आणि येवला परिसरातील नागरिक, कार्यकर्ते, महिला, युवक आणि विविध समाजघटकांनी भुजबळ साहेबांच्या प्रकृतीसाठी प्रार्थना केल्या होत्या. आज त्यांच्या सुदृढतेसह नाशिकमध्ये आगमनामुळे कार्यकर्त्यांमध्ये नवचैतन्य आणि सकारात्मक ऊर्जा संचारली आहे.