Shirdi Bus Accident News: साखर झोपेतच दहा भाविक ठार; मुख्यमंत्र्यांकडून साह्य!

नाशिक : (Nashik) आज पहाटे शिन्नर-शिर्डी (Sinner) महामार्गावर पाथरे येथे शिर्डीला (Shirdi) जाणाऱ्या भाविकांची बस आणि ट्रकचा अपघात झाला. या अपघातात मुंबईतील (Mumbai) दहा भाविक ठार झाले. या अपघाताबाबत मुख्यमंत्री एकनाथ शिंदे (Eknath Shinde) दुःख व्यक्त केले. मृतांच्या नातेवाईकांना पाच लाखांची मदत जाहीर केली. (Accident to saibaba divotee`s Bus On Sinner-Shirdi highway)

आज पहाटे मुंबईहून शिर्डीला जाणारी खाजगी बस (एम. एच. 04 एस. के. 2715) आणि शिर्डीकडून सिन्नरकडे निघालेल्या ट्रकचा (एम. एच. 48 टी 1292) पाथरे (सिन्नर) जवळ अपघात झाला. या अपघातग्रस्त बसमध्ये पन्नास प्रवासी होते. यातील बहुतांशी प्रवाशी अंबरनाथ येथील होते. यातील दहा प्रवाशी ठार झाले तर सतरा प्रवाशी गंभीर जखमी झाले.

नाशिक शिर्डी महामार्गावर आज पहाटे वावी पाथरे गावाजवळ झालेल्या खासगी बसच्या अपघातासंदर्भात मुख्यमंत्री एकनाथ शिंदे यांनी तीव्र दुःख व्यक्त केले आहे. अपघातातील मृतांच्या कुटुंबीयांना प्रत्येकी पाच लाख रुपये देण्याचे आणि जखमींवर शासकीय खर्चाने आवश्यक ते उपचार करण्याचे निर्देश त्यांनी प्रशासनाला दिले आहेत.

या अपघाताचे वृत्त कळताच मुख्यमंत्र्यांनी नाशिक विभागीय आयुक्त तसेच जिल्हाधिकाऱ्यांशी चर्चा करून याविषयी अधिक माहिती घेतली. या अपघातात आत्तापर्यंत दहा जण ठार झाले असून काही प्रवासी जखमी झाले आहेत. जखमी प्रवाशांना तातडीने शिर्डी नाशिक या ठिकाणी हलवून त्यांच्यावर योग्य ते उपचार सुरू करावेत तसेच हा अपघात नेमका कशामुळे झाला त्याची चौकशी करावी असे निर्देशही मुख्यमंत्र्यांनी दिले