काँग्रेस नेत्यांच्या उपस्थितीतच माजी नगरसेवकाचा राष्ट्रवादीत प्रवेश!

फैजपूर : येथील माजी नगरसेवक, कॉंग्रेसच्या (Congress) माजी नगरसेविका पुत्र तसेच रावेर विधानसभा मतदार क्षेत्राचे युवक काँग्रेसच्या दोन पदाधिकाऱ्यांनी मंत्री जितेंद्र आव्हाड (Jitendra Awhad) यांच्या उपस्थितीत राष्ट्रवादी काँग्रेसमध्ये (NCP) प्रवेश केल्याने शहरात काँग्रेसला मोठा धक्का बसला आहे.

रावेर विधानसभा मतदार क्षेत्राचे युवक काँग्रेसचे माजी अध्यक्ष वसीम जनाब, युवक काँग्रेसचे विधानसभा कार्याध्यक्ष मुदस्सर नजर यांनी काँग्रेसला सोडचिठ्ठी देऊन येथील काँग्रेसचे माजी नगरसेवक शेख जफर यांच्यासह व र्काँग्रेसच्या माजी नगरसेविका पुत्र शहबाजखान हाजी शकीलखान या काँग्रेसच्या कार्यकर्त्यांनी फैजपूर दौऱ्यावर आलेले राज्याचे गृहनिर्माण मंत्री जितेंद्र आव्हाड यांच्या उपस्थितीत राष्ट्रवादी काँग्रेसमध्ये प्रवेश केला.

यामुळे काँग्रेसला फैजपूर शहरात मोठा धक्का बसला आहे. तर दुसरीकडे माजी नगरसेवक शेख जफर, रावेर माजी विधानसभा क्षेत्र युवक काँग्रेस अध्यक्ष शेख वसीम जनाब, माजी विधानसभा क्षेत्र युवक काँग्रेस कार्याध्यक्ष मुदस्सर व शहबाजखान हाजी शकीलखान यांचा राष्ट्रवादीत प्रवेश झाल्याने राष्ट्रवादी काँग्रेस पक्ष आणखी बळकट होईल व आगामी नगरपालिका निवडणुकीत निश्चितच राष्ट्रवादीला याचा फायदा होईल, असे सांगितले जात आहे.

---