Devidas Pingle Politics: देविदास पिंगळे यांनी सभापती चुंभळे यांचा वार पलटलवला... थेट आव्हान देत म्हणाले, तर...

Devidas Pingle News: भाजपच्या कल्पना चुंभळे नाशिक बाजार समितीच्या नव्या सभापती झाल्या आहेत. त्यांनी माजी सभापती देविदास पिंगळे यांच्या गटातील संचालक फोडले होते. त्यामुळे नाशिक बाजार समितीत राजकारण चांगलेच रंगले आहे.

भारतीय जनता पक्षाच्या कल्पना चुंभळे सभापती झाल्यानंतर त्यांनी पहिली बैठक घेतली. या बैठकीत त्यांनी माजी सभापती पिंगळे यांच्यावर विविध आरोप केले होते. समितीने प्रस्तावित केलेला खत प्रकल्प देखील रद्द करण्याची घोषणा केली. त्यावरून नवा वाद सुरू झाला आहे.

राष्ट्रवादी काँग्रेस अजित पवार पक्षाचे नेते माजी सभापती देविदास पिंगळे यांनी चुंभळे यांचे सर्व आरोप फेटाळले. या आरोपांना त्यांनी थेट आव्हान दिले. आर्थिक आमिष दाखवून संचालक फोडण्यात आले आहेत. त्यामुळे हे खोटे आरोप होत असल्याचे त्यांनी सांगितले.

या संदर्भात माझी खासदार पिंगळे यांनी सभापती श्रीमती चुंभळे यांना खुले आव्हान दिले आहे. श्रीमती चुंभळे यांनी केलेला एक जरी आरोप सिद्ध केला, तर आपण राजकारण सोडण्यास तयार आहोत, असे थेट उत्तर त्यांनी दिले. सभापती श्रीमती चुंबळे यांच्या आरोपांची त्यांनी अक्षरशा खिल्ली उडवली.

बाजार समितीतील सुरक्षा रक्षकांच्या संख्येबाबत प्रश्न उपस्थित करण्यात आला होता. त्यावर माजी खासदार चुंबळे म्हणाले, असे आरोप अक्षरशा हास्यस्पद आहेत. सभापती बाजार समितीत किती सुरक्षा रक्षक आहेत, हे मोजायला जात असतो का? असा प्रश्न त्यांनी केला. या विषयावर काही वाद असेल तर संबंधित कंत्राटदार हे चुंभळे यांचे जावईच आहेत. त्यांना विचारणा करून माहिती घ्यावी असा चिमटा ही त्यांनी घेतला.

शिवाजी चुंभळे आणि माजी खासदार देविदास पिंगळे हे कट्टर राजकीय प्रतिस्पर्धी आहेत. बाजार समितीच्या निवडणुकीत पिंगळे यांच्या पॅनलने बाजी मारली होती. त्यात चुंभळे पॅनलचे पुरेसे संचालक निवडून आले नव्हते. आता चुंभळे यांनी भाजप पक्षात प्रवेश करून सत्ताधारी पिंगळे यांचेच संचालक गडाशी लावले होते. त्यामुळे बाजार समितीत सध्या जोरदार आरोप प्रत्यारोप सुरू आहेत.

-------

२५ वर्षे पूर्ण करणारा ई-सकाळ आता कॉमस्कोअरमध्ये Number One डिजिटल माध्यमांच्या क्षेत्रातील नवी झेप

-----