Maharashtra Politics : कृषिमंत्री धनंजय मुंडे यांची घोषणा ठरली पोकळ!

Dhananjay Munde Politics : राज्यात तीव्र स्वरूपाचा दुष्काळ आहे. त्यामुळे पिकांचे मोठे नुकसान झाले आहे. या नुकसानग्रस्त शेतकऱ्यांना विमा कंपन्यांकडून दिवाळीत अग्रिम भरपाई देण्याची घोषणा केली होती. ही घोषणा प्रत्यक्षात न आल्याने काँग्रेसचे आमदार कुणाल पाटील यांनी कृषिमंत्री धनंजय मुंडे यांच्यावर टीकेची झोड उठवली आहे. (Crop insurance advanced relief in Drought affected areas to Farmers not came in fact)

महाराष्ट्रात (Maharashtra) दुष्काळसदृश स्थिती आहे. पावसाअभावी पिके वाया गेली. विमा कंपन्यांनी भरपाई देणे अपेक्षित होते, याबाबत मंत्री धनंजय मुंडे (Dhananjay Munde) यांनी घोषणा केली होती. तसे काहीच झाले नाही. त्यामुळे काँग्रेसचे (Congress) नेते आमदार कुणाल पाटील यांनी टीका केली आहे.

दिवाळीपूर्वीच पीकविम्याची अग्रिम रक्कम शेतकऱ्यांना मिळणार असल्याची घोषणा कृषिमंत्री धनंजय मुंडे यांनी केली होती. मात्र, आता या घोषणेवरूनच विरोधकांनी कृषिमंत्र्यांना घेरण्याची तयारी केली आहे. दिवाळी झाली तरीही अद्याप शेतकऱ्यांना पीकविमा नुकसानभरपाईची २५ टक्के अग्रिम रक्कम मिळालेली नाही.

आता या विषयावर शेतकरी आक्रमक झाले आहेत. येत्या काही दिवसांत पीकविम्याचे पैसे मिळाले नाहीत, तर या विषयावर राज्य सरकारशी दोन हात करण्याची तयारी काँग्रेसचे नेते, आमदार कुणाल पाटील यांनी आक्रमक होत यासंदर्भात कृषिमंत्री व राज्य सरकारला इशारा दिला आहे.

धुळे जिल्ह्यातील २,४६,८४७ शेतकऱ्यांनी खरीप हंगामात २,५३,८२३ हेक्टर क्षेत्राचा पीकविमा काढला आहे. त्यात धुळे तालुक्यातील ६७,५८१ हेक्टर क्षेत्रातील ८०,५८६ शेतकऱी आहेत. मात्र, आता त्यात विविध त्रुटी काढल्या जात आहेत. त्यामुळे शेतकरी संतप्त आहेत.

शासनाने आता शेतकऱ्यांचा अंत पाहू नये. आवळा देऊन कोहळा घेणाऱ्या विमा कंपन्या मालामाल होत आहेत, तर त्यांच्या भरवशावर शेतकरी कर्जबाजारी होत आहेत. शासनाने दुष्काळ आणि दुष्काळसदृश या शब्दखेळात न खेळता तातडीने शेतकऱ्यांना दिलासा द्यावा, अशी मागणी आमदार पाटील यांनी केली.