Mahayuti Jalgaon News: महायुती राज्यातील आगामी स्थानिक स्वराज्य निवडणुकांना एकत्रीतपणे सामोरे जातील, अशी घोषणा नेत्यांनी केली आहे. त्याला पहिला तडा भाजपचे संकटमोचक गिरीष महाजन यांच्या जळगाव जिल्ह्यातचगेला आहे. शिवसेनेच्या आमदाराने भाजपला अक्षरशः हिणवले.
जळगाव जिल्ह्यातील महापालिका, जिल्हा परिषद निवडणुकांत महायुतीतच आरोप, प्रत्यारोप सुरू झाले आहेत. जलसंपदा मंत्री गिरीश महाजन यांच्या भूमिकेवर सहकारी पक्षाचे आमदार किशोर पाटील यांनी गंभीर आरोप केले आहेत. त्यामुळे पाचोरा-भडगाव मतदारसंघात महायुतीच्या नेत्यांतच चिखलफेक सुरू झाली.
शिवसेना एकनाथ शिंदे पक्षाचे नेते आणि पालकमंत्री गुलाबराव पाटील यांनी यापूर्वीच भाजपच्या नेत्यांवर संशय व्यक्त केला होता. आमदार मंगेश चव्हाण त्यापेक्षा एक पाऊल पुढे टाकले. आमदार चव्हाण थेट उमेदवारांची घोषणाच सुरू केली आहे.
जलसंपदा मंत्री विधानसभा निवडणुकीत अपक्ष उमेदवारी करीत महायुतीचे किशोर पाटील यांना आव्हान देणाऱ्या अमोल शिंदे यांनी भाजपचे पदाधिकारी केले. माजी आणदार दिलीप वाघ, प्रताप पाटील आणि शिवसेना ठाकरे पक्षाच्या उमेदवार वैशाली सुर्यवंशी यांनाही भाजपमध्ये प्रवेश देऊ पावन केले.
महायुती झाल्यास ज्यांनी विधानसभेला विरोधात काम केले, त्यांचाच प्रचार कराव लागणार होता. त्यामुळे कार्यकर्ते अस्वस्थ होते. त्याला आमदार चव्हाण यांनी आक्रमक होत उत्तर दिले. भाजपशी युती केली जाणार नाही, असे त्यांनी जाहीर केले.
संकटमोचक मंत्री महाजन यांच्याच जळगाव जिल्ह्यात शिवसेनेने त्यांना आरसा दाखवला. महाजन यांचेनिकटवर्तीय आमदार मंगेश चव्हाण यांनी चर्चेची दारे खुली आहेत, असे सांगत शिवसेनेला चुचकारण्याचा प्रयत्न केला. मात्र त्याचा काहीच उपयोग झाला नाही.
आमदार पाटील यांनी, भाजपची चर्चेची दारे खुली असली तरीही, आम्ही मात्र आमची दारे बंद केली आहेत. भाजप बैठकीत स्वबळाची तर माध्यमांपुढे महायुतीची भाषा करते. आम्ही मात्र पोटात एक आणि ओठात एक असे करीत नाही. त्यामुळे स्वबळावर लढण्यावर आम्ही ठाम आहोत.
आमदार किशोर पाटील यांनी घेतलेल्या भूमिकेने जळगावला महायुतीची शक्यता मावळली. त्याचा परिणाम लगतच्या अन्य तालुक्यांतही होण्याची शक्यता आहे. त्यामुळे भाजपचे संकटमोचक गिरीश महाजन यांच्या जिल्ह्यातच महायुतीला सुरूंग लागला.
------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.