जळगावचे पालकमंत्री गुलाबराव पाटील कोरोनाबाधित

जळगाव : जिल्ह्याचे पालकमंत्री गुलाबराव पाटील (Gualabrao Patil) यांना कोरोना (Covid19) संसर्गाची लागण झाली आहे. शुक्रवारी दुपारी त्यांना त्रास होत असल्याने त्यांनी कोरोना चाचणी केली.

चाचणीनंतर त्यांचा रिपोर्ट पॉझिटिव्ह आला आहे. यापूर्वी उत्तर महाराष्ट्रातील विविध नेत्यांना कोरोनाची लागण झाली आहे. केंद्रीय आरोग्य राज्यमंत्री डॅा भारती पवार यांसह खासदार हेमंत गोडसे तसेच विविध आमदारांनाही कोरोना संसर्ग झाला. त्यामुळे सध्या त्याचा नेत्यांच्या व शासकीय कार्यक्रमांवर परिणाम होत आहे.

यासंदर्भात पालकमंत्री पाटील यांनी , माझ्या संपर्कात आलेल्यांनी पदाधिकारी, कार्यकर्ते, नागरिकांनी कोरोना चाचणी करून घ्यावी. माझी प्रकृती ठणठणीत आहे, असे पालकमंत्री पाटील यांनी सांगितले. गुरुवारी पालकमंत्र्यांनी जिल्हा नियोजन समितीची बैठक घेतली होती. सोबतच काही कार्यक्रमांना हजेरी लावली होती, असे सांगितले.

----