Nashik IT Raid: बांधकाम व्यवसायिकांवर इन्कम टॅक्सचे छापे!

Nashik Income Tax Raid: आज सकाळी शहरातील सहा प्रथितयश बांधकाम व्यावसायिकांच्या कार्यालये तसेच निवासस्थानी प्राप्तीकर विभागाने छापे टाकले. ही कारवाई अद्यापही सुरु असुन त्याबाबत अत्यंत गोपनियता पाळली जात आहे. (Income tax officers scruitiny in builders on Nashik city)

या छाप्यांबाबत प्राप्तीकर विभागाच्या (Income tax) सुत्रांकडून होकार देण्यात आला आहे. मात्र कोणतिही अधिकृत माहिती देण्यात आली नाही. कारवाई पुर्ण झाल्यावर त्याबाबत माहिती देण्यात येईल, असे वरिष्ठ सुत्रांनी कळविले. (Latest Maharashtra News)

आज सकाळी शहरातील सहा बांधकाम व्यावसायिकांकडे प्राप्तीकर विभागाचे पथक दाखल झाले. त्यांनी एकाचवेळी कार्यालय तसेच निवासस्थानी तपासणी सुरु केली. हे सर्व शहरातील प्रतिष्ठीत बांधकाम व्यावसायिक आहेत. त्यामुळे बांधकाम क्षेत्रात खळबळ उडाली आहे.

सकाळी सातला एकाच वेळी हे छापे टाकण्यात आले. त्यात नाशिक, औरंगाबाद, पुणे आणि मुंबई कार्यालयाचे अधिकारी सहभागी आहेत. त्यासाठी बारा पथके करण्यात आले आहेत. स्थानिक पोलिसांची बंदोबस्तासाठी मदत घेण्यात आली. विशेष म्हणजे हे सर्व अमराठी व्यावसायिक आहेत. (Latest Nashik News)