MLA Dikhale News : सत्ताधारी आमदारही शेतकऱ्यांच्या बाजूने; सिंहस्थ रिंग रोड भूसंपादनावरून भडका; आमदार ढिकलेंची थेट जिल्हाधिकाऱ्यांशी चर्चा

Kumbh Mela News : सिंहस्थ कुंभमेळा तोंडावर आला असताना रिंग रोडचे भूसंपादन रखडले आहे. संदर्भात शेतकऱ्यांनी अधिकाऱ्यांच्या भूमिकेवर गंभीर प्रश्न उपस्थित केले आहेत. त्यामुळे यावर तोडगा काढणे कठीण बनले आहे. मातोरी आणि दरी येथील कुंभमेळ्याच्या भूसंपादनात महिलांवर पोलिसांनी केलेल्या दडपशाहीचा प्रश्न तीव्र आहे. हा सबंध भूसंपादनाचा वाद तीव्र बनला आहे. गेले दोन दिवस जिल्हाधिकारी कार्यालयासमोर आंदोलन सुरू आहे.

भाजपचे आमदार राहुल ढिकले यांच्या मतदारसंघातील भूसंपादनाबाबत शेतकरी आक्रमक आहेत. त्यामुळे आमदार ढिकले यांनी आज जिल्हाधिकारी आयुष प्रसाद यांची भेट घेतली. यावेळी मग मला बाद येथील शेतकरीही उपस्थित होते. सिंहस्थ कुंभमेळा रिंग रोडच्या भूसंपादनातील त्रुटी आणि गोंधळावर यावेळी चर्चा झाली.

शेतकऱ्यांच्या भावना तीव्र होत्या. काही शेतकऱ्यांनी प्रशासनातील अधिकाऱ्यांचा खोडसाळपणा जिल्हाधिकाऱ्यांच्या नजरेस आणून दिला. प्रशासनातील काही अधिकारी व्यक्तिगत हिताला प्राधान्य देत आहेत. ठराविक अधिकाऱ्यांचे हित पाहिले जाते. त्यांना नियोजित रिंग रोडच्या आराखड्यात बदल करण्यात आल्याचा गंभीर आरो यावेळी झाला.

त्यामुळे सत्ताधारी आमदार ढिकले यांनीही जिल्हाधिकाऱ्यांना स्पष्ट शब्दात सुनावले. शेतकऱ्यांच्या भावना समजून घ्या. शेतकऱ्यांना मोबदला देताना आणि संपादन करताना कोणताही अन्याय झाल्यास सहन केले जाणार नाही, या शब्दात आमदार ढिकले यांनी यावेळी प्रशासनाला सुनावले.

गेले काही दिवस या प्रश्नावर शेतकरी आणि लोकप्रतिनिधी आंदोलन करीत आहेत. आता त्यात सत्ताधारी आमदार ढिकले यांनीही उडी घेतली आहे. त्यामुळे रिंग रोडच्या भूसंपादनातील त्रुटी दूर करण्याचे गंभीर आव्हान प्रशासना पुढे उभे राहिले आहे. त्यातून कसा मार्ग काढला जातो याची उत्सुकता वाढली आहे.