Girish Mahajan: गिरीश महाजन यांचा नगरसेवकांना सल्ला; नगरसेवक झालात, आता आमदार व्हा!

Girish Mahajan speech highlights: जलसंपदा मंत्री गिरीश महाजन यांच्या हस्ते महापालिकेच्या नवनिर्वाचित नगरसेवकांचा सत्कार झाला. गिरीश महाजन यांनी यावेळी नगरसेवकांना राजकीय सल्ला दिला. त्यांचा हा सल्ला चांगलाच चर्चेचा विषय बनला आहे.

नाशिक महापालिकेच्या नुकत्यात झालेल्या निवडणुकीत भारतीय जनता पक्षाने स्वबळावर ७२ नगरसेवक निवडून आणले. महायुतीचे शंभरावून अधिक नगरसेवक विजयी झाले आहेत. त्यांचं सर्व नवनिर्वाचित नगरसेवकांचा सत्कार मंगळवारी झाला.

यावेळी मंत्री गिरीश महाजन यांनी सर्व नवनिर्वाचित नगरसेवकांचे कौतुक केले. म्हणाले शहरातील १३ लाख मतदारांनी तुम्हाला निवडून दिले आहे. त्यामुळे तुमच्यावर शहराच्या समस्यांची आणि विकासाची जबाबदारी आहे.

सध्याचे राजकारण पाहता आमदार आणि खासदार होणे सोपे असते. मात्र नगरसेवक होणे अतिशय कठीण असते. निवडणूक जेवढी स्थानिक पातळीवर जाईल तेवढी ती अवघड होत जाते.

शहरातील नगरसेवकांना आगामी कुंभमेळ्याच्या दृष्टीने त्यांनी विविध टिप्स दिल्या. यंदा निवडून आलेले नगरसेवक खऱ्या अर्थाने पुण्यबान आहेत. यांना सिंहस्थ कुंभमेळ्यात काम करण्याची संधी लाभली आहे. हा कुंभमेळा निर्विघ्न पार पाडण्यासाठी सगळ्यांनी योगदान द्यावे.

शहराच्या नागरिकांच्या विविध अपेक्षा नगरसेवकांकडून असतात. त्यादृष्टीने चांगले काम करून नगरसेवकांना यशस्वी होता येईल. चांगले काम करा आणि आमदार व्हा, असा सल्ला मंत्री महाजन यांनी दिला.

यावेळी महापौर हिमगौरी अडके, उपमहापौर विलास शिंदे, स्थायी समिती सभापती मच्छिंद्र सानप, सामाजिक कार्यकर्ते रतन लथ यांसह विविध पदाधिकारी उपस्थित होते. नगरसेवकांनी आपल्या प्रभागातील शाळांची स्थिती आणि दर्जा सुधारावा असे आवाहन यावेळी करण्यात आले.