Nashik Politics : राष्ट्रवादी अजित पवार गटाचे नेते तथा क्रीडा मंत्री अॅड. माणिकराव कोकाटे हे कृषीमंत्री असताना त्यांचा विधानभवनात रमी खेळतानाचा व्हिडीओ राष्ट्रवादी शरदचंद्र पवार पक्षाचे आमदार रोहित पवार यांनी सोशल मीडियावर व्हायरल केला होता. त्यामळे कोकाटेंनी रोहित पवार यांनी आपली बदनामी केल्याचा आरोप करत न्यायालयात खटला दाखल केला आहे.
रोहित पवारांना नाशिकच्या न्यायालयात हजर राहण्याचे आदेश जिल्हा सत्र न्यायालयाने दिले आहेत. त्यामुळे येत्या 9 डिसेंबरला रोहित पवार यांना न्यायालयात हजर राहावे लागणार आहे.
तत्कालीन कृषी मंत्री अॅड. माणिकराव कोकाटे हे विधीमंडळात मोबाइलवर पत्ते खेळत असल्याचा व्हिडीओ आमदार रोहित पवार यांनी सोशल मीडिया मीडियावर व्हायरल केल्यानंतर कोकाटे यांना विरोधकांनी टार्गेट केलं होतं. शेतकऱ्यांच्या प्रश्नावर लक्ष देण्याऐवजी रमी खेळत असल्याचा आरोप करत कोकाटेंवर विरोधकांनी टीकेचा भडीमार केला होता. त्यांच्या राजीनाम्याची मागणी केली होती.
त्यावर कोकाटेंनी खुलासा केला होता की मला रमी खेळताच येत नाही. मी केवळ आलेली जाहिरात स्कीप करत होतो, तेवढ्यात कुणीतर व्हिडीओ काढल्याचे काकोटे यांनी सांगितले होते. पंरतु विरोधकांनी त्यांच्या राजीनाम्याची मागणी लावून धरली होती. या दरम्यान शेतकऱ्यांबद्दलही त्यांचे वादग्रस्त वक्तव्य समोर आलं होतं. त्यामुळे उपमुख्यमंत्री अजित पवार यांनी त्यांना समज दिली होती. मुख्यमंत्री फडणवीस यांनीही त्यांच्या विधानावर नाराजी व्यक्त केली होती.
शेवटी हे प्रकरण कोकाटेंना चांगलच महागात पडलं. त्यांचे कृषी मंत्रीपद काढून घेण्यात आले आणि त्यांच्याकडे क्रीडा मंत्रीपद देण्यात आले. कोकाटेंनी हाच युक्तिवाद कोर्टात याआधी झालेल्या सुनावणीत केला होता. की, रोहित पवार यांनी व्हिडीओ ट्विट करत माझी बदनामी केली. प्रत्यक्षात मी रमी खेळत नव्हतो तर जाहीरात स्कीप करत होतो. या प्रकारामुळे मला कृषी खात्याचे मंत्रिपद गमवावे लागले, पक्ष आणि वैयक्तिक प्रतिमेला मोठा धक्का बसला.
त्यामुळे संबधित व्हिडिओ कोणी आणि कसा काढला, याची चौकशी व्हावी. कारण, रोहित पवार हे विधान परिषद सदस्य नसतानाही त्यांना व्हिडिओ कसा मिळाला , हे महत्त्वाचे आहे, असा युक्तिवाद कोकाटे यांच्याकडून करण्यात आला होता. आता 9 डिसेंबरला न्यायालयात दोन्ही बाजूंकडून काय दावे–प्रतिदावे येतात? याकडे सर्वांचे लक्ष लागले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.