Operation Tiger: नाशिक महापालिकेत ऑपरेशन टायगर चर्चेत; दुसऱ्याच दिवशी आंदोलनाला ठाकरेंच्या नगरसेवकांची दांडी काय सांगून जाते?

Shivsena UBT News: दोन दिवसांपूर्वी नाशिक महापालिकेत १२ नगरसेवक शिंदे गटाच्या संपर्कात या बातमीने खळबळ उडाली. त्यावर उद्धव ठाकरे आणि एकनाथ शिंदे दोन्ही पक्षांनी त्याचे खंडन आणि समर्थन केले. 

शिवसेना एकनाथ शिंदे हा पक्ष आणि नेते सध्या उद्धव ठाकरे पक्षात फूट पाडण्यासाठी सर्व शक्ती पणाला लावत आहे. यासाठी राज्यातील सत्तेचा पुरेपूर उपयोग केला जात आहे. फोडाफोडीचे हे लोन आता नाशिक महापालिकेतही पोहोचले. 

नाशिक महापालिकेचे १२ नगरसेवक शिवसेना शिंदे पक्षाचा संपर्क असल्याचे चर्चा आहे. त्यावर उद्धव ठाकरे पक्षाचे गटनेते केशव पोरजे यांनी आक्रमक प्रतिक्रिया दिली होती. नगरसेवक फोडण्यासाठी एजंट नेमल्याचा आरोप त्यांनी केला. शिवसेना शिंदे पक्षाकडून उपनेते अजय बोरस्ते यांनी त्याचा समाचार घेतला होता.

नाशिक शहरात ऑपरेशन टायगर विषयी आरोप प्रत्यारोप सुरू आहेत. त्याच्या दुसऱ्याच दिवशी शिवसेना उद्धव ठाकरे पक्षाच्या काळाराम मंदिरात झालेल्या रामरक्षा आंदोलनात वेगळाच संदेश मिळाला. या कार्यक्रमाला ठाकरेंच्या बहुतांश नगरसेवकांनी पाठ फिरवली. 

संपर्कप्रमुख रवींद्र मिर्लेकर यांच्या नेतृत्वाखाली राम रक्षा आंदोलन झाले. महापालिकेतील पंधरापैकी महानगर प्रमुख प्रथमेश गीते, सीमा पवार, माधुरी ढेमसे, वैशाली दळवी हे मोजके नगरसेवक यावेळी उपस्थित होते. त्यामुळे मी लेखन यांना त्याचे उत्तर देताना चांगलीच कसरत करावी लागली.

गेल्या महिन्यात शिवसेना ठाकरे पक्षाचे सहा खासदारांनी उद्धव ठाकरे यांची साथ सोडली. त्यांनी स्वतंत्र गट स्थापन केला. त्यानंतर आमदार आणि मुंबई महापालिकेचे नगरसेवक संपर्कात असल्याचा दावा शिवसेना शिंदे पक्षाच्या नेत्यांनी केला होता. त्यामुळे सावध झालेल्या उद्धव ठाकरे यांनी आमदार आणि पक्षनेत्यांच्या बैठकांचा धडाका लावला होता. आता नाशिक महापालिकेतही हे लोन पोहोचले की काय? असा संशय कल्लोळ निर्माण झाला आहे. 

-----