शिवसेना शिंदे गटाचे आमदार महेंद्र दळवी यांनी रायगडमधील राष्ट्रवादीच्या एका मोठ्या नेत्याने महायुती मोडण्यासाठी सुपारी दिल्याचा नाव न घेता आरोप केला होता, या आरोपानंतर अजित पवार यांची राष्ट्रवादी काँग्रेस आक्रमक झाली आहे.
राष्ट्रवादीच्या नेत्या प्रतिभा शिंदे यांनी दळवींना सडेतोड प्रतिउत्तर दिले आहे. हा निवडणुकीचा कालखंड असताना, संयम राखत युतीचा धर्म पाळणे आवश्यक आहे. मात्र, दळवी बेताल वक्तव्य करत आहेत, जे त्यांना शोभत नाही, असे प्रतिभा शिंदे म्हणाल्या. शिंदे नंदूरबारमध्ये बोलत होत्या.
आमचे प्रदेशाध्यक्ष खासदार सुनील तटकरे यांच्यावर वारंवार केलेली वक्तव्ये आम्ही खपवून घेणार नाही. त्यांनी एकनाथ शिंदे यांच्याकडे मागणी केली की, त्यांनी आमदार महेंद्र दळवींना वेळीच आवर घालावा. महायुतीतील मूल्य पाळणे हा आमचा धर्म आहे, म्हणून आम्ही शांत आहोत, याचा अर्थ असा नाही की आम्ही काहीही सहन करू, असे प्रतिभा शिंदे यांनी ठणकावून सांगितले. दळवींना अटकाव न केल्यास जशास तसे उत्तर देण्याचा इशाराही त्यांनी दिला आहे. यामुळे महायुतीतील दोन्ही घटक पक्षांमध्ये तणाव वाढल्याचे स्पष्ट झाले आहे.
दुसरीकडे तळोदा नगरपालिकेची निवडणूक चांगलीच रंगतदार होत आहे. शिंदे गटाचे उमेदवार हितेंद्र क्षेत्रीय यांच्यासाठी राज्याचे उपमुख्यमंत्री एकनाथ शिंदे यांनी जाहीर सभा घेतली असल्याने विजय आमच्याच होणार असल्याची प्रतिक्रिया शिवसेनेचे उमेदवार हितेंद्र क्षत्रिय यांनी दिली, राज्यात सत्तेत असलेले पक्षाचे एकमेकांच्या विरोधात निवडणूक लढत आहोत मात्र आम्ही सत्तेच्या विरोधात नाही तर विकासाचे निष्कृष्ट दर्जाच्या विरोधात निवडणूक लढत आहोत. सत्ताधाऱ्यांना आम्ही विरोधक म्हणून आम्ही बघत नाही आहोत शहराच्या विकास कसा होणार यावर आमच्या खरा प्रयत्न आहे, असे क्षत्रिय म्हणाले.
तळोदा शहरात गेल्या अनेक वर्षात काम झालेले आहेत मात्र दर्जेदार असे कुठलेही काम झालेले नाही. सर्वच काम निष्कृष्ट दर्जाचे केले गेले आहेत. केलेले काम पाच ते सहा वर्षातच खराब होत असल्याने याच्यावरूनच कामाच्या दर्जा लक्षात येतो. एकनाथ शिंदे यांनी आमच्यासाठी सहभाग घेतल्यामुळे याच्या फायदा आम्हाला नक्कीच होणार असून कारण शिंदे साहेब यांच्याकडेच नगर विकास विभाग असल्याने आम्हाला निधीची कमतरता पडणार नाही,असा विश्वास हितेंद्र क्षत्रिय यांनी व्यक्त केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.