Amalner Bazar Samiti Result : भाजपच्या तीन माजी आमदारांना धक्का देत राष्ट्रवादीच्या अनिल पाटलांची आघाडी

Jalgaon News : राज्यातील कृषी उत्पन्न बाजार समित्यांच्या निवडणुकीमध्ये अनेक दिग्गजांची प्रतिष्ठा पणाला लागली आहे. अमळनेर कृषी उत्पन्न बाजार समितीच्या संचालकपदाच्या निवडणुकीत राष्ट्रवादी काँग्रेसचे विधीमंडळ प्रतोद आमदार अनिल पाटील यांच्या नेतृत्वाखालील पॅनलची बहुमताकडे वाटचाल सुरू आहे. मात्र, भाजप-शिवसेना शिंदे गट पिछाडीवर आहे.

आमदार अनिल पाटील यांच्या नेतृत्वाखालील महाविकास पॅनलला पाच जागांवर विजय मिळाला असून बहुमताकडे वाटचाल आहे. तर भाजपच्या माजी आमदार स्मिता वाघ, माजी आमदार बी.एस.पाटील व शिरीष चौधरी यांच्या नेतृत्वाखालील भाजप-शिवसेना शिंदे गटाच्या पॅनलला केवळ एक जागा मिळाली आहे. तर या निवडणुकीत एका जागेवर अपक्ष उमेदवाराने विजय मिळवला आहे. उर्वरीत मतदार मतमोजणी अद्याप बाकी आहे.

आमदार अनिल पाटील यांनी या बाजार समितीत पूर्ण ताकद पणाला लावली होती. भाजपच्या तीन माजी आमदारांनीही आपली ताकद लावली होती. सोबतील शिवसेना शिंदे गट होता. मात्र, तरी देखील आमदार पाटील यांच्या नेतृत्वाखालील महाविकास आघाडीची बहुमताकडे वाटचाल ही भाजप, शिंदे गट युतीला धक्का मानला जात आहे.

Edited By- Ganesh Thombare