Rajabhau Vaje News: शिवसेना उद्धव ठाकरे पक्षाने आता जिल्हा परिषदेच्या निवडणुकांवर लक्ष केंद्रित केले आहे. खासदार संजय राऊत यांनी गेल्या दोन दिवसात नाशिक आणि अहिल्यानगर जिल्ह्याच्या पदाधिकाऱ्यांकडे याबाबत चाचणी केली. जिल्हा परिषदेसाठी महायुतीतील विसंवादाचा लाभ घेण्याचे धोरण आहे.
स्थानिक स्वराज्य संस्थांच्या निवडणुका दिवाळीनंतर केव्हाही जाहीर होऊ शकतात. याबाबत शिवसेना उद्धव ठाकरे पक्षाने आपल्या सर्व राज्यस्तरीय नेत्यांना कार्यक्षेत्रात चाचपणी करण्याचे निर्देश दिले आहेत. त्यानुसार पक्ष कोकण, मराठवाडा आणि उत्तर महाराष्ट्रात विशेष परिश्रम घेणार असल्याचे कळते.
नाशिक जिल्ह्यातील जिल्हा परिषद निवडणुकांबाबत पक्षाने सावध पावले टाकण्यास सुरुवात केली आहे. या संदर्भात खासदार राजाभाऊ वाजे आणि संपर्क नेते जयंत दिंडे यांच्यावर ग्रामीण विभागातील पदाधिकाऱ्यांचे समन्वय सोपविण्यात आले आहे. निवडणुकीआधीच उमेदवार निश्चित करण्याच्या सूचना यावेळी पदाधिकाऱ्यांना देण्यात आल्या.
जिल्ह्यातील ७३ जिल्हा परिषद गटांमध्ये शिवसेना उद्धव ठाकरे पक्ष कोणत्या सहकारी पक्षाला महत्त्व देणार याची चाचणी या पदाधिकाऱ्यांकडे करण्यात आली. विशेषत: विधानसभा निहाय महाराष्ट्र नवनिर्माण सेनेची संघटनात्मक शक्ती आणि राष्ट्रवादी काँग्रेस शरदचंद्र पवार पक्ष एकत्र आल्यास काय परिणाम होऊ शकतो याची चाचपणी करण्यात आली.
जिल्हा परिषद निवडणुकीत महाविकास आघाडी मनसेसह निवडणुकीला सामोरे जाण्याची तयारी करीत आहे. यामध्ये जिल्ह्यातील ग्रामीण भागातील सर्व ११ आमदार महायुती सरकारचे आहेत. या ११ आमदारांपैकी सहा ठिकाणी शिवसेना उद्धव ठाकरे आणि महाविकास आघाडीने विधानसभा निवडणुकीत लक्षणीय मते घेतली आहेत. प्रत्येक गट आणि गण याचा विचार करून महाविकास आघाडीच्या नेत्यांची समन्वय करण्यावर भर दिला जाणार आहे.
मावळत्या नाशिक जिल्हा परिषदेत बहात्तर पैकी १८ जिल्हा परिषद सदस्य शिवसेना उद्धव ठाकरे पक्षाचे होते. ही संख्या किमान दुप्पट व्हावी असे प्रयत्न करण्याचे ठरले. त्यासाठी महायुतीतील विसंवादाचा आणि आरक्षणानंतर होणारी राजकीय स्थिती त्याचा लाभ कसा घ्यावा ही राऊत यांनी पदाधिकाऱ्यांकडून माहिती घेतली. जिल्हा परिषदेच्या निफाड, सिन्नर, दिंडोरी, येवला, पेठ आणि इगतपुरी या मतदार संघात महाविकास आघाडी चांगली कामगिरी करील असा विश्वास पदाधिकाऱ्यांनी यावेळी नेत्यांना दिला.
------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.