Ahmednagar News : शिवसेनेचे माजी मंत्री आमदार शंकरराव गडाख यांना विधानसभा निवडणुकीला आव्हान मिळाले आहे. धनुष्यबाण चिन्हं असलेल्या शिवसेना एकनाथ शिंदे गटाने नेवासा विधानसभा मतदारसंघातील आमदार गडाखांविरोधात शड्डू ठोकला आहे.
नेवासा मतदारसंघात शिवसेनेचाच उमेदवार निवडणूक लढवले. यासाठी शिवसेनेचे माजी खासदार सदाशिव लोखंडे यांच्या उपस्थित झालेल्या कार्यकर्त्यांच्या मेळाव्यात आमदार गडाखांविरोधात सूर आवळत निवडणुकीच्या कामाला लागल्याचे सांगितले.
लोकसभा निवडणुकीला नेवासा विधानसभा मतदारसंघातून शिवसेना (Shiv Sena) उमेदवार सदाशिव लोखंडे यांनी लीड होता. हे मताधिक्य नेवाशात शिवसेनेची ताकद सांगतो. त्यामुळे या विधानसभेला शिवसेनेला, धनुष्यबाण चिन्हाला इथं संधी आहे. त्यामुळे नेवासा मतदारसंघात शिवसेनेचाच उमेदवार उभा राहिला पाहिजे. धनुष्यबाण हे चिन्हं घराघरापर्यंत पोचले आहे. त्यामुळे पदाधिकारी आणि कार्यकर्त्यांनी एकसाथ ताकद लावल्यास शिवसेनेचा उमेदवार नेवासा मतदारसंघातून निवडून येईल.
शिवसेनेचे जिल्हा संपर्कप्रमुख बाळासाहेब पवार आणि जिल्हा उपप्रमुख भगवान गंगावणे यांनी मुख्यमंत्री एकनाथ शिंदे (Eknath Shinde) यांनी त्यांच्या कार्यकाळात राज्यात राबवलेल्या योजना नेवाशातील घराघरापर्यंत पोचताना उमेदवाराचा प्रचार करणार असल्याची ग्वाही दिली. जिल्हा प्रमुख नितीन औताडे यांनी देखील शिवसेनाच हीच जागा लढवणार असल्याचे सांगितले.
माजी खासदार सदाशिव लोखंडे म्हणाले, "नेवाशा मतदारसंघ हा साखरपट्टा म्हणून ओळखला जातो. येथे सम्राटांची दहशत आहे. ही दहशत मोडून काढण्यासाठी शिवसेनेचे उमेदवार इथं निवडून आला पाहिजे. शिवसेना साखरपट्ट्यात परिवर्तन घडवून आणू शकते". मुख्यमंत्री एकनाथ शिंदे यांनी गोरगरिबांनासाठी राबवलेल्या योजना तळागाळापर्यंत घेऊन जा, असे आवाहन सदाशिव लोखंडे यांनी केले.
शिवसेनेचे विधानसभा निरीक्षक डेव्हीड जेरी यांनी नेवासा मतदारसंघातील प्रत्येक गावात शिवसेनेची शाखा स्थापन करा. कार्यकर्त्यांचे जाळे उभे करा. त्या कार्यकर्त्यांना ताकद देण्याचा काम मी करेल. या विधानसभा निवडणुकीला शिवसेना ठाकरे पक्षाच्या विरोधात इथं शिवसेनेचा उमेदवार लढा देईल, असेही त्यांनी सांगितले. सुरेश शेटे, भाऊसाहेब वाघ, के. एच. वाखुरे, रविराज गडाख, शुभम उगले यांच्यासह कार्यकर्ते मेळाव्याला उपस्थित होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.