Sanjay Raut On Nilam Gorhe : नीलम गोऱ्हे, तुम्ही ड्रग्ज रॅकेटच्या सदस्य आहात का?

Drug Mafia Lalit Panpatil : ड्रग्जप्रकरणी खुलासा करणाऱ्या विधान परिषदेच्या उपसभापती नीलम गोऱ्हे यांनी शिंदे गटाच्या मंत्र्यांवरील आरोपांबाबत खुलासा करण्याचे कारण काय?. तुमचा संबंध काय?, तुम्ही ड्रग्ज रॅकेटच्या सदस्य आहात का?, असा परखड सवाल करीत खासदार संजय राऊत यांनी नीलम गोऱ्हे यांची चांगलीच हजेरी घेतली. (Drug Mafia issue creates Politics Hot In Nashik City)

विधान परिषदेच्या उपसभापती नीलम गोऱ्हे (Neelam Gorhe) यांनी शिवसेनेवर (Shivsena) केलेल्या टीकेला संजय राऊत (Sanjay Raut) यांनी अतिशय तिखट उत्तर दिले आहे. तुम्हालादेखील शिवसेनेने तपासूनच घेतले होते. मात्र, पदे देऊनही तुम्ही पक्ष बदललाच ना? असा सवाल त्यांनी केला.

शिवसेना प्रवक्ते संजय राऊत यांच्या नेतृत्वाखाली आज ड्रग्जविरोधात शहरात अतिशय मोठा मोर्चा काढण्यात आला. या वेळी राऊत यांनी उपसभापती गोऱ्हे यांचा चांगलाच समाचार घेतला. राऊत यांचा ज्ञानी असा उल्लेख करणाऱ्या गोऱ्हे यांनी आपण ड्रग्ज रॅकेटच्या सदस्या आहात का?. आम्ही समाजहिताचे काम करीत आहोत, युवा पिढीला वाचविण्याचे काम करीत आहोत, मग तुम्हाला ड्रग्जच्या व्यावसायिकांविषयी प्रेम आहे की काय?, असा प्रश्न त्यांनी केला.

ते म्हणाले, ‘काल त्या बाईने बैठक घेतली. कालपर्यंत त्या आमच्याकडे होत्या आणि पळाल्या. काय त्यांचे नाव....(डोक्याला हात लावीत) त्या उपसभापती आहेत’ असे सांगत राऊत म्हणाले, अहो बाई, तुमचा संबंध काय राजकारणाशी?. तुम्ही एका वेगळ्या खुर्चीवर आहात. तुम्ही या मोर्चाबाबत आदेश दिले कोणत्या अधिकाराने दिले?.

ते म्हणाले, या बाईला नियम माहिती आहेत, पण पक्षांतराचे नियम माहिती नाही का?. अशी विचारणा करीत, नीलम गोऱ्हे तुम्ही ड्रग्ज रॅकेटच्या सदस्य आहात का?. तुम्ही राजकीय विधान कशा करू शकता?. नशेच्या बाजारात तुम्हीदेखील सहभागी आहात का?. हे खोके सरकार आहे?. त्याच्या विरोधात हा मोर्चा आहे.

डॉ. गोऱ्हे म्हणाल्या होत्या, ललित पानपाटीलला तपासून का शिविसेनेत घेतले नाही. त्यावर राऊत म्हणाले, या बाईला आम्ही तपासूनच घेतले होते. पाच पाच वेळेला आमदार होतात आणि बेईमानी करता?. तरीही उद्धव ठाकरे यांनी तपासले पाहिजे होते काय?. पुरावे आणि माहिती यात फरक असतो, हे गोऱ्हे यांना कळत नाही, याचा खेद वाटतो.