एकनाथ खडसेंना धक्का; बोदवड नगरपंचायत शिवसेनेच्या ताब्यात

कैलास शिंदे

जळगाव : राष्ट्रवादी काँग्रेसचे (NCP) नेते एकनाथ खडसे (Eknath Khadse) यांना धक्का देत शिवसेनेने बोदवड नगरपंचायत वर आपले वर्चस्व निर्माण केले आहे. त्यामुळे शिवसेनेचे (Shivsena) आमदार चंद्रकांत पाटील यांनी खडसे यांना राजकीय धक्का दिला.

माजी मंत्री व राष्ट्रवादी काँग्रेसचे नेते एकनाथ खडसे यांच्या मुक्ताईनगर विधानसभा मतदार संघात बोदवड नगरपंचायत आहे,खडसे भाजप सोडून राष्ट्रवादी काँग्रेस पक्षात सामील झाल्यानंतर प्रथमच त्यांच्या मतदार संघात या नगरपंचायतीची निवडणूक झाली. या निवडणुकीत एकनाथ खडसे व त्यांच्या कन्या रोहिनी खडसे यांनी ताकद लावली होती.तर शिवसेना नेते जिल्ह्याचे पालकमंत्री गुलाबराव पाटील व आमदार चंद्रकात पाटील यांनीही जोरदार प्रचार केला होता.

या निवडणुकीत शिवसेनेने जोरदार मुसंडी मारत १७ पैकी ९ जागा जिंकून बहुमत मिळवित सत्ता मिळविली आहे. तर राष्ट्रवादी काँग्रेस पक्षाला केवळ ७ जागा मिळाल्या भारतीय जनता पक्षाला देखील यश मिळाले नाही. त्यांचा एक उमेदवार चिठ्ठीवर विजयी झाला आहे. काँग्रेस पक्षाला एकही जागा जिंकता आली नाही.

एकनाथ खडसे यांना या निकालाने मोठा धक्का बसला आहे. शिवसेनेने बाजी मारली आहे.तर भाजपचे गिरीश महाजन यांनाही धक्का बसला आहे.

...